قازاقستاندىقتارعا رەسەي ازاماتتىعىن الۋ جەڭىلدەتىلدى
ر ف پرەزيدەنتى ۆلاديمير پۋتين «بەلارۋس، قازاقستان جانە مولداۆا ازاماتتارىن رەسەي ازاماتتىعىنا قابىلداۋ تۋرالى» جارلىققا قول قويدى. بۇل قۇجات رەسەيلىك پاسپورتتى الۋ پروتسەدۋراسىن جەڭىلدەتەدى، دەپ حابارلايدى Kazinform.
18-جەلتوقساندا راسىمدەلگەن قۇجات رەسمي جاريالانعان قۇقىقتىق اكتىلەر پورتالىندا ورنالاستىرىلدى. وعان سايكەس 18 جاسقا تولعان قازاقستان ازاماتتارى كەلەسى تالاپتاردى ساقتاماي- اق رەسەي ازاماتتىعىن الا الادى:
* رەسەي فەدەراتسياسىندا تۇراقتى تۇرۋ؛
* رەسەي تاريحىن جانە رەسەي فەدەراتسياسىنىڭ زاڭناماسىنىڭ نەگىزدەرىن ءبىلۋ.
دەگەنمەن، قازاقستاندىقتار ورىس ءتىلىن جەتىك بىلەتىندىگىن دالەلدەۋى ءتيىس. قازاقستان ازاماتتارى رەسەيلىك پاسپورتتى الۋ ءۇشىن تۇراقتى تۇرۋعا ءوتىنىش، ۇلتتىق پاسپورتى مەن ورىس ءتىلىن بىلەتىندىگىن راستايتىن قۇجات ۇسىنۋى قاجەت. ءدال وسىداي تالاپ مولداۆا ازاماتتارىنا دا قويىلادى. ال بەلارۋس ازاماتتارىنا ورىس ءتىلىن بىلەتىندىگىن راستاۋدىڭ قاجەتى جوق.
اۆتور
مارلان جيەمباي
