قازاقستاندىقتارعا ءبىر جىلدا 304 ميلليارد تەڭگە ايىپپۇل سالىندى
استانا. KAZINFORM - قازاقستاندىقتارعا ءبىر جىلدا 304 ميلليارد تەڭگە ايىپپۇل سالىندى. قازاقستاندىقتارعا بىلتىر وسىنشا قارجىعا ايىپپۇل سالىندى. ال اكىمشىلىك قۇقىقبۇزۋشىلىق سانى 15 ميلليوننان اسقان.
ارينە، بۇل شارا قوعامدى تارتىپتە ۇستاپ، قاۋىپسىزدىكتى كۇشەيتۋگە باعىتتالعان. الايدا بىزدەگى قوماقتى ايىپپۇلدى قاراشانىڭ قالتاسى كوتەرە مە؟ ايىپپۇل باسقان ءار ادىم، قارىزعا باتىپ بارامىن، - دەپ شىرىلدايدى قاراشا. الايدا وسىنداي بەيبەرەكەتسىزدىك بولماس ءۇشىن تەمىردەي ءتارتىپ كەرەك- اق. اشىعىن ايتۋ كەرەك، قوماقتى ايىپپۇل تازالىق عانا ەمەس، قاۋىپسىزدىگىمىزدى دە قورعايدى. دەمەك جازانىڭ بۇل ءتۇرى - ءسىز بەن ءبىز ءۇشىن جاسالعان ەرىكسىز قادام.
ءيا، تەنتەكتەردى تەزگە سالۋدى كىم قولدامايدى؟ قازىر قالا كوشەلەرىندەگى ءدال وسى بەينەباقىلاۋ كامەرالارى اساۋلاردى تۇساپ تۇرعانىن مويىنداۋ كەرەك. بۇل جۇگەنسىز جۇرگىزۋشىلەردى جونگە كەلتىرەتىن «سەرگەكتىڭ» مۇمكىندىگى. قالا كوشەلەرىن كىرپىك قاقپاي كۇزەتەتىن كامەرانىڭ قىراعالىعىنان قۇتىلۋ مۇمكىن ەمەس. قۇرىلعى تاسجولعا تەمىردەي ءتارتىپ ەنگىزدى. شاھارلاردا بۇدان وزگە بەينەباقىلاۋ كامەرالارى كوپ. زاڭدى كولدەنەڭ باسساڭ، جازاعا ۇشىرايسىڭ.
ارينە، قاۋىپسىزدىك ءبىرىنشى ورىندا دەرسىز. ءبىراق بۇعان قاتىستى حالىقتىڭ پىكىرى قاق جارىلدى. ءبىرى قولداسا، ەندى ءبىرى ايىپپۇلدىڭ مولشەرىنە نارازى.
24.kz
