قازاقستاندىقتار زەينەتاقى قورىنان تريلليونداعان قاراجاتتى مەرزىمىنەن بۇرىن العان

سوڭعى دەرەكتەر بويىنشا ءبىرىڭعاي جيناقتاۋشى زەينەتاقى قورىنىڭ اكتيۆتەرى 22 تريلليون تەڭگەنى قۇرادى. بىلتىر قوردىڭ قاراجاتى %26 - عا وسكەن. ەسكە سالايىق، بىرنەشە جىل بۇرىن قازاقستاندىقتارعا شەكتى مەجەدەن اسقان زەينەتاقى جيناقتارىن مەرزىمىنەن بۇرىن الۋعا رۇقسات ەتىلگەن.

ۇلتتىق بانك وكىلى سوڭعى ءتورت جىلدا ەل ازاماتتارى 4,4 تريلليون تەڭگە اۋدارعىنىن ايتتى. سونداي-اق ول زەينەتاقى قاراجاتى قايدا ينۆەستيتسيالاناتىنىن اتاپ ءوتتى.

نۇرجان تۇرسىنحانوۆ، ۇلتتىق بانكتىڭ مونەتارلىق وپەراتسيالار دەپارتامەنتىنىڭ ديرەكتورى:

- 2021 -جىلدىڭ اقپان ايىنان باستاپ سالىمشىلاردىڭ مەرزىمىنەن بۇرىن العان قاراجاتى شامامەن 4,4 تريلليون تەڭگەنى قۇرادى. ونىڭ %85- ى تۇرعىن ءۇي ماسەلەلەرىن شەشۋگە پايدالانىلدى. بيىل 1-قاڭتارداعى جاعداي بويىنشا ۆاليۋتالىق پورتفەلدىڭ كولەمى 17,2 ميلليارد دوللاردى نەمەسە زەينەتاقى اكتيۆتەرىنىڭ %40- ىن قۇرادى.

شەتەل ۆاليۋتاسىنىڭ بولىگى ستراتەگيالىق بولۋگە سايكەس ينۆەستيتسيالانادى. بۇل نەگىزگى شەتەلدىك اكتيۆتەر. ماسەلەن، ا ق ش قازىناشىلىقتارى، دامىپ كەلە جاتقان ەلدەردىڭ مەملەكەتتىك وبليگاتسيالارى، ينۆەستيتسيالىق دەڭگەيدەگى كورپوراتيۆتىك وبليگاتسيالار جانە اكسيالار.

24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى