قازاقستاندىقتار تاكسي قىزمەتىنە كوپ جۇگىنەتىن بولعان
قازاقستاندا 2025 -جىلعى قاڭتار- اقپان ايلارىندا تاكسي قىزمەتىنە سۇرانىس رەكورد كورسەتكىشكە جەتتى. بۇل كەزەڭدە تاكسي ارقىلى 20,6 ميلليون جولاۋشى قاتىناعان، بۇل بىلتىرمەن سالىستىرعاندا 2,4 ەسە كوپ، - دەپ حابارلايدى DataHub .
قاڭتار جانە اقپان تاكسي قىزمەتى ءۇشىن ەرەكشە تابىستى اي بولعان، ءار ايدا شامامەن 10 ميلليون جولاۋشى تاسىمالدانعان. مۇنداي ترەند 2024 -جىلدىڭ اياعىنان بەرى ساقتالىپ كەلەدى. ول كەزدە اي سايىنعى تاسىمال كولەمى 7 ميلليوننان اسىپ تۇسكەن بولاتىن.
ادەتتە تاكسي قىزمەتىنە سۇرانىس ماۋسىمدىق وزگەرىستەرگە بايلانىستى بولادى: ەڭ جوعارى كورسەتكىش جەلتوقساندا تىركەلىپ، قاڭتاردا تومەندەيدى. الايدا گرافيكتە مۇنداي تۇراقتى ماۋسىمدىق وزگەرىستەر بايقالمايتىنى كورىنەدى.
تاكسي ارقىلى قاتىناعان جولاۋشىلار سانى ارنايى فورمۋلا بويىنشا ەسەپتەلەدى. بۇل فورمۋلا ءبىر ادام وسى كەزەڭ ىشىندە بىرنەشە رەت تاكسي قىزمەتىن پايدالانۋى مۇمكىن ەكەنىن ەسكەرەدى.
دەگەنمەن ناقتى ساپار سانىن انىقتاۋ قيىن، سەبەبى ءقازىر تاكسيدە جولاۋشىلاردى ەسەپتەيتىن ارنايى قۇرىلعىلار ورناتىلماعان.
