قازاقستاندىقتار مىنگەن ۇشاق ەگىستىككە شۇعىل قوندى: جولاۋشىلارعا 80 ميلليون تەڭگە تولەندى
نوۆو ءسىبىر ماڭىنداعى ەگىستىككە شۇعىل قونعان ۇشاق جولاۋشىلارىنا وتەماقى تولەندى. بۇل تۋرالى Tengri Life «كوممەرسانت» Telegram-كانالىنا سىلتەمە جاساپ جازدى.
باسىلىمنىڭ مالىمەتىنشە، جولاۋشىلارعا 15,8 ميلليون رۋبل (23-قاراشاداعى جاعداي بويىنشا بۇل شامامەن 82 ميلليون تەڭگە) تولەنگەن.
«158 ادام ءارقايسىسى 100 مىڭ رۋبلدەن (شامامەن 519 مىڭ تەڭگە) اقشا الدى»، - دەلىنگەن مەديا تاراتقان حابارلامادا.
تاعى بىرنەشە ادام مۇنداي مۇمكىندىكتى بىلە تۇرا، ءالى تولەمگە ءوتىنىش بەرمەگەن.
ەسكە سالايىق، 12-قىركۇيەكتە سوچي-ومبى باعىتىندا ۇشقان «ۋرالسكيە اۆياليني» كومپانياسىنىڭ ا-320 ۇشاعى شۇعىل تۇردە نوۆو ءسىبىر وبلىسىنداعى ەگىستىككە قوندى. بورتتا 161 جولاۋشى بولعان، ونىڭ ىشىندە 21 بالا، ولاردىڭ ەشقايسىسى زارداپ شەككەن جوق. ۇشاق بورتىندا قازاقستاندىقتار دا بولعان.
كەيىنىرەك باسىلىم ءتىلشىسى وسى رەيسپەن ۇشقان قازاقستان ازاماتىنان سۇحبات الدى. پاۆلودار تۇرعىنى ولگا مۋحۋتدينوۆا بۇل «ءوزى ءۇشىن قورقىنىشتى وقيعا» بولعانىن ايتتى.
ماسساگەت
