قازاقستاندىقتار ەمدەلۋ ءۇشىن قاي ەلدەرگە بارادى

«مەديتسينانىڭ جاھاندانۋ داۋىرىندە، حالىقارالىق ساياحاتتار مەن مەديتسينالىق اقپاراتتار ينتەرنەتتە وڭاي قولجەتىمدى كەزىندە مەديتسينالىق تۋريزم جاھاندىق دەنساۋلىق ساقتاۋ جۇيەلەرى ءۇشىن دە، ءتۋريزمدى دامىتۋ تۇرعىسىنان دا ماڭىزدى ماسەلەگە اينالدى. بۇگىندە بۇل - وزىندىك بىرەگەيلىگى مەن ەرەكەشەلىگى بار مەديتسينالىق قىزمەتتەردىڭ ۇلكەن نارىعىن قالىپتاستىرعان تۇتاس سالا. مۇنداي تۋرلاردى جوبالاۋعا دارىگەرلەر، تۋريستىك اگەنتتىكتەر، زاڭگەرلەر جانە ساقتاندىرۋ كومپانيالارى سىندى ءارتۇرلى ماماندار جۇمىلدىرىلعان»، - دەدى د. دەميان استانا قالاسىنىڭ كوممۋنيكاتسيالار قىزمەتىندە.

ونىڭ ايتۋىنشا، 2000 -جىلداردىڭ باسىنان بەرى مەديتسينالىق تۋريستەردىڭ نەگىزگى اعىمى باتىس ەلدەرىنەن شىعىسقا قاراي جىلجىدى. اتاپ ايتقاندا، وڭتۇستىك كورەيا، قىتاي حالىق رەسپۋبليكاسى، وڭتۇستىك- شىعىس ازيانىڭ كەيبىر ەلدەرىنە ءجيى بارا باستادى.

«اسىرەسە، ءوز ۇكىمەتتەرىنەن مەملەكەتتىك قولداۋ الىپ وتىرعان، مەديتسينالىق تۋريزمدى دامىتۋدىڭ ۇزاق مەرزىمدى باعدارلامالارى كورەيا، تۇركيا، ب ا ءا ەرەكشە بەلسەندى. ءتۇرلى دەرەكتەر بويىنشا اتالعان ەلدەرگە قازاقستاننان جىل سايىن شامامەن 200 ميلليون ا ق ش دوللارى اۋدارىلادى (جىلىنا 50 مىڭ ادام)، ناتيجەسىندە جەرگىلىكتى مەديتسينالىق قىزمەتتەر نارىعى الەۋەتتى ەكونوميكالىق پايداسىن جوعالتادى»، - دەيدى سپيكەر.

سوڭعى بىرنەشە جىلدا مەديتسينالىق تۋريزم نارىعىنىڭ الەمدىك كولەمى 10 ميللياردتان 140 ميلليارد ا ق ش دوللارىنا دەيىن، ال مەديتسينالىق تۋريستەر سانى - جىلىنا 5 ميلليوننان 16 ميلليونعا دەيىن جەتكەن.

حالىقارالىق ستاتيستيكاعا سايكەس، مەديتسينالىق تۋريستەردىڭ 85 پايىزى اناعۇرلىم ساپالى مەديتسينالىق قىزمەت ءۇشىن بارادى. ءاربىر مەديتسينالىق تۋريست ءبىر ساپارىندا 5-14 مىڭ دوللارعا دەيىن جۇمسايدى.

مەديتسينالىق تۋريستەردىڭ 15 پايىزى ءوز ەلىندە كەزەك كۇتپەستەن، شۇعىل كومەك كومەك الۋ ءۇشىن شەتەل اسادى. ال 25 پايىزى - مەديتسينالىق قىزمەت ءۇشىن قاراجاتىن ۇنەمدەۋدى كوزدەيدى.

اۆتور

ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى