قازاقستاندىقتار كولىككە «ءساندى» ءنومىر تاعۋ ءۇشىن قانشا اقشا جۇمساعان

«ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق-تىڭ باسپا ءسوز قىزمەتىنەن ءمالىم ەتكەنىندەي، كولىك يەلەرى وسىنداي نومىرلەر الۋ ءۇشىن 10 ميلليارد تەڭگەدەن استام قاراجات جۇمساعان.

قازاقستاندىقتار 2022 -جىلى VIP- نومىرلەرگە 7 ميلليارد تەڭگەدەن استام اقشاسىن قيعان ەدى.

ءبىر عانا باتىس قازاقستان وبلىسىندا وتكەن جىلى 248 ميلليون 583،780 مىڭ تەڭگەگە سۇرانىسى جوعارى 851 دانا مەملەكەتتىك تىركەۋ ءنومىرى بەرىلگەن. شىعىس قازاقستان وبلىسىندا 63 ميلليون تەڭگەگە 217 «ءساندى» ءنومىر ساتىپ الىنسا، الماتىلىقتار VIP ءنومىر ءۇشىن 2،6 ميلليارد تەڭگە جۇمساعان.

«قازاقستاندا VIP- نومىرلەردى ساتۋ تاجىريبەسى 2014 -جىلى ەنگىزىلگەنى بەلگىلى. ساتۋدان تۇسكەن قارجى ەل بيۋدجەتىنە تۇسەدى.

2023 -جىلى 010، 020، 030، 040، 050، 060، 070، 077، 080، 090، 707 نومىرلەرى ەڭ جىلدام ساتىلعان. ءار ءنومىردىڭ باعاسى 57 ا ە ك-تى (2024 -جىلى - 210444 تەڭگە) قۇرايدى. ەڭ قىمبات VIP-نومىرلەر 001، 002، 003، 004، 005، 006، 007، 008، 009، 777 ساندارى ەكەنىن اتاپ وتۋگە بولادى. مۇنداي ءنومىر 285 ا ە ك (2024 -جىلى - 1052220 تەڭگە) تۇرادى. جالپى، 2023 -جىلى مامانداندىرىلعان حالىققا قىزمەت كورسەتۋ ورتالىقتارىندا رەسپۋبليكا بويىنشا 3،2 ميلليوننان استام كولىك تىركەلىپ، 1،1 ميلليون جۇرگىزۋشى كۋالىگى بەرىلدى»، - دەپ حابارلادى «ازاماتتارعا ارنالعان ۇكىمەت» مەكەمەسىنەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى