قازاقستاندىقتار بالىقتى قاجەتتى مولشەردەن 4 ەسە از تۇتىنادى
استانا. قازاقپارات - قازاقستاندىقتار بالىقتى از جەيدى جانە ونىڭ ونىمدەرىن دە از تۇتىنادى. بۇل دۇنيەجۇزىلىك دەنساۋلىق ساقتاۋ ۇيىمىنىڭ دەرەگى. ساراپشىلاردىڭ پايىمىنشا، ءبىر ادام جىلىنا كەمى 16 كەلى بالىق جەۋ كەرەك، بىزدە بۇل كورسەتكىش 4 ەسە تومەن.
كورشى ەلدەرمەن سالتىرعاندا 5-10 ەسە از تۇتىنادى ەكەنبىز. دەگەنمەن ۇكىمەت تە، شارۋاشىلىقتار قاراپ وتىرعان جوق. ماسەلەن، ەلدىڭ شىعىسىندا بالىق وسىرەتىن كاسىپكەرلەر كوبەيگەن. ەندەشە حالىق بۇل پايدالى ءونىمدى نەگە از تۇتىنادى؟ بالىقتىڭ پايداسىن بىلمەيتىن ادام كەمدە-كەم. جەڭسىك استىڭ قۇرامى مينەرالدار مەن دارۋمەندەرگە باي. دارىگەر نازەركە نۇرمۇحامبەتوۆا الدىنا كەلگەن ەرەسەكتەرگە دە، بالالارعا دا بۇل ءونىمدى بارىنشا ءجيى تۇتىنۋعا كەڭەس بەرەدى.
«ونىڭ دەنساۋلىققا تيگىزەر وڭ اسەرى وراسان، ال سىر مەن سىمباتتى ساقتاۋداعى ورنى ءتىپتى بولەك»، - دەيدى ول.
نازەركە نۇرمۇحامبەتوۆا، دارىگەر-تەراپيەۆت:
- سورپاسىن ىشسەڭىزدەر، سىزدەرگە ول كوللاگەن قىزمەتىن اتقارادى تەرىنىڭ جۇقا، جىلتىراپ تۇرۋى ءۇشىن ءارتۇرلى اجىمدەردىڭ بولماۋى ءۇشىن، تىرناق، شاشتاردىڭ تۇسپەۋى ءۇشىن كەرەك. جانە دە بالىق ىشىندە ۆيتامەن مەن مينەرالدار بار. قانداي ۆيتاميندەر دەسەڭىز، ول: 3D، ۆيتامين A، B12.
تەراپيەۆت تىزبەلەپ وتكەندەي، بالىقتىڭ ادام اعزاسىنا پايدالى ەكەنى انىق. ونى تۇرعىندار دا جاقسى بىلەدى. ءبىراق باعاسى شارىقتاپ تۇرعان سوڭ امالسىز باس تارتاتىنى راس.
ساۋالناما:
- بالىقتى كوپ المايمىن، از قولدانامىن.
- نەگىزى باعا ءوسىپ جاتىر، باعا قىمباتتاۋ بولىپ تۇر. قاراپايىم حالىققا ەندى قيىنداۋ.
- ءبىز ەندى ءجيى جەۋگە تىرىسامىز، ءبىراق تا باعاسى قىمباتتاۋ. قىزىل بالىقتى دا جەۋگە تىرىسامىز.
فورەل، سەمگا. قىزىل بالىقتى ءوسىرۋ ءۇشىن قىرۋار قارجى ءارى ۇزاق ۋاقىت كەرەك. ولكەدە وسى كاسىپتى دوڭگەلەتىپ جۇرگەندەردىڭ ءبىرى ۆياچەسلاۆ اسانوۆ وسىلاي دەيدى. ۋىلدىرىقتى دا، جەمدى دە شەتەلدەن الادى. قىزىل بالىق قازىر كوپ بولعانىمەن، ءبارىبىر حالىق الا بەرمەيدى، قىمباتسىنادى.
