قازاقستاندىقتار 2025 -جىلى قوستانايلىق كولىكتى مىنە باستايدى
استانا. KAZINFORM - قوستاناي وبلىسىندا KIA اۆتوكولىگىن شىعاراتىن زاۋىت سالىنىپ جاتىر.
- قازاقستاندا اشىلاتىن «KIA» زاۋىتى كورەيا رەسپۋبليكاسىنان تىس العاشقى بىرلەسكەن كاسىپورىن. كولىك زاۋىتى رەكوردتىق قىسقا مەرزىمدە (1,5 جىل ىشىندە) سالىنادى. قۇرىلىسى بىلتىر قاراشادا باستالدى، العاشقى اۆتوموبيل كونۆەيەردەن 2025 -جىلدىڭ جازىندا شىعادى. قۋاتى جىلىنا 70 مىڭ بىرلىك جەڭىل كولىك جانە 1,5 مىڭ جاڭا جۇمىس ورنى اشىلادى، - دەدى قوستاناي وبلىسىنىڭ اكىمى قۇمار اقساقالوۆ ءوڭىردىڭ الەۋمەتتىك-ەكونوميكالىق دامۋى تۋرالى ەسەپ بەرە تۇرىپ.
وسىلايشا، قوستاناي وبلىسىندا اۆتوموبيل شىعاراتىن ەكىنشى ءىرى زاۋىت اشىلماق.
- بۇل ايماقتىڭ وتاندىق اۆتوموبيل جاساۋ ورتالىعىنا اينالۋىنا مۇمكىندىك بەرەدى. سونداي-اق، بيىل اۆتوبولشەكتەر جاسايتىن زاۋىتتىڭ قۇرىلىسى باستالدى، - دەپ تولىقتىردى ءوڭىر باسشىسى.
اۆتور
داۋلەت ىزتىلەۋ
