قازاقستاندىق تەننيسشى مىسىرداعى جارىستىڭ جارتىلاي فينالىنا شىقتى

جارىستىڭ 2-راكەتكاسى بولىپ تىركەلگەن گ. لوماكين رەسەيلىك ەۆگەني فيليپپوۆپەن بىرگە شيرەك فينالدا مىسىرلىق اكرام ەل-ساللالي - نيدەرلاندىلىق مەتت روتچەررينگپەن شەبەرلىك بايقاستى.

قازاقستاندىق-رەسەيلىك جۇپ 6:4، 7:6 (7:3) ەسەبىمەن جەڭىسكە جەتتى.

گ. لوماكين - ە. فيليپپوۆ فينالعا شىعۋ ءۇشىن سلوۆاكيالىق فيليپ كروسلاك - سلوۆەنيالىق يان كۋكسيسپەن تالاسادى.

تاعى ءبىر قازاقستاندىق، دۇنيەجۇزىلىك رەيتينگتە 197-ورىندا تۇرعان دەنيس ەۆسەيەۆ مايا (پورتۋگاليا) چەللەندجەر جارىسىنىڭ ەكىنشى اينالىمىندا الەمنىڭ 159-ىنشى، دودانىڭ 5-راكەتكاسى، شۆەتسيالىق ەلياس يمەرگە 2 ساعات 42 مينۋتقا سوزىلعان تارتىستى ماتچتا ەسە جىبەردى - 4:6، 7:6 (9:7)، 3:6.

سونداي-اق ارۋجان ساعىندىقوۆا موناستير (تۋنيس) ITF تۋرنيرىندە گرەكيالىق اندرەا پريساكاريۋعا جول بەرىپ، شيرەك فينالعا شىعا المادى - 2:6، 6:4، 0:6.

ەسكە سالا كەتەيىك، بۇدان بۇرىن دەنيس ەۆسەيەۆتىڭ پورتۋگالياداعى تۋرنيردى جەڭىسپەن باستاعانىن جازعان بولاتىنبىز.

سونىمەن قاتار ارۋجان ساعىندىقوۆا تۋنيستەگى تۋرنيردىڭ ەكىنشى اينالىمىنا ءوتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى