قازاقستاندىق تەننيسشى الەمدىك رەيتينگتە جوعارىلاپ، رەكورد ورناتتى
استانا. KAZINFORM - قازاقستاندىق تەننيسشى يۋليا پۋتينتسيەۆا ايەلدەر تەننيس قاۋىمداستىعىنىڭ (WTA) جۇپتىق رەيتينگىندە ءوز پوزيتسياسىن ايتارلىقتاي جاقسارتتى، دەپ حابارلايدى Sports.kz.
جاڭارتىلعان رەيتينگتە يۋليا پۋتينتسيەۆا بىردەن 24 ساتىعا كوتەرىلىپ، 81-ورىنعا جايعاستى. بۇل ونىڭ جەكە رەكوردى.
وتكەن اپتادا پۋتينتسيەۆا چەحيالىق ليندا نوسكوۆامەن بىرگە دۋبايداعى تۋرنيردىڭ جۇپتىق سىنىندا شيرەك فينالعا دەيىن جەتىپ، قىتايلىق سيۋي يفان مەن يان چجاوسيۋانعا جول بەرگەن ەدى. ال نوسكوۆا 17 ساتىعا كوتەرىلىپ، 74-ورىنعا تۇراقتادى.
جەكەلەي رەيتينگتە يۋليا پۋتينتسيەۆا 22-ورىندا تۇر.
بۇعان دەيىن يۋليا پۋتينتسيەۆا مەن ۋيمبلدون چەمپيونى اراسىنداعى ماتچ ونىڭ ءىرى جەڭىلىسىمەن اياقتالعانى حابارلانعان بولاتىن.
يۋليا پۋتينتسيەۆا الەمدىك رەيتينگىدە توپ-20-عا قايتا كىرگەن ەدى.
