قازاقستاندىق سپورتشىلار فريستايل-اكروباتيكا جارىسىندا قولا مەدال ەنشىلەدى
يابۋلي. KAZINFORM - قازاقستاندىق سپورتشىلار Ⅸ قىسقى ازيا ويىندارىنىڭ فريستايل-اكروباتيكا سىنىندا قولا مەدال ەنشىلەدى.
وتانداستارىمىز اردانا ماحانوۆا جانە ايانا جولداس فريستايل-اكروباتيكادان ايەلدەر اراسىندا سينحروندى سەكىرۋ سىنىندا 59.16 ۇپاي جيناپ، ءۇشىنشى ورىنان كورىندى.
قىتايلىق سپورتشىلار التىن جانە كۇمىس مەدالدى ءوزارا ءبولىستى.
ايتا كەتەرلىگى، بۇل - قازاقستان دەلەگاتسياسىنىڭ حاربين قىسقى ازيا ويىندارىنداعى ونىنشى جۇلدەسى.
سونىمەن قاتار ايانا جولداس قىسقى ازيا ويىندارىنىڭ ەكى دۇركىن قولا جۇلدەگەرى اتانىپ وتىر. ول وسىعان دەيىن ايەلدەر اراسىندا فريستايل اكروباتيكا سىنىندا ءۇشىنشى بولعان ەدى.
كەشە قازاقستاندىق سپورتشىلار ارالاس كوماندالار اراسىنداعى سايىستا كۇمىس ەنشىلەدى.
اۆتور
مۇحتار قاليموللا ۇلى
