قازاقستاندىق مۇناي وتەتىن «درۋجبادا» اقاۋ شىقتى

جانارمايدىڭ اعۋى «درۋجبا» قۇبىرىنىڭ پولشانىڭ باتىسىنداعى پنيەۆى قالاسىنىڭ ماڭىنداعى ۋچاسكەسىندە بولدى. وقيعا كەزىندە ءورت نەمەسە جارىلىس قاۋپى تىركەلگەن جوق.

ونىڭ ايتۋىنشا، وقيعا جەكسەنبى كۇنى تاڭەرتەڭ بولعان. سەبەبى ءالى انىقتالعان جوق. جانارماي قۇيۋ بەكەتتەرىنىڭ ءبىرى مەن قوناق ءۇي ماڭىندا قاتتى گاز ءيىسى شىققان.

- تەرگەۋ بارىسىندا مۇنايعا ۇقساس زاتتىڭ توگىلگەنى انىقتالدى. بۇل اۋماق ارقىلى «درۋجبا» قۇبىرى ءوتۋى مۇمكىن. PERN («درۋجبا» قۇبىرىنا قىزمەت كورسەتەتىن پولياك كومپانياسى - تاسس ەسكەرتپەسى) كومپانياسىمەن بايلانىس ورناتىلدى، كومپانيا سورعىلىق قوسالقى ستانتسيالاردىڭ ءبىرىن الدىن الا توقتاتتى، - دەدى حالاش.

ق ر ەنەرگەتيكا مينيسترلىگى جاعدايعا بايلانىستى جاقىن ارادا تۇسىنىك بەرەتىنىن مالىمدەدى.

ايتا كەتەيىك، قازاقستاندىق مۇناي ەكسپورتى ءداستۇرلى تۇردە رەسەي اۋماعى ارقىلى كاسپي قۇبىر كونسورتسيۋمىنىڭ نوۆوروسسيسكىگە دەيىنگى قۇبىر جۇيەسى ارقىلى جۇزەگە اسىرىلدى. رەسەي مەن پولشا ارقىلى گەرمانياعا «درۋجبا» قۇبىرى ارقىلى جەتكىزۋ 2023 -جىلدىڭ اقپان ايىنىڭ سوڭىندا باستالدى. قازاقستان مۇنايى قۋاتتىلىعى 2 ميلليون باررەل قۇبىردىڭ سولتۇستىك تارماعى ارقىلى وتەدى.

بۇعان دەيىن ەلدىڭ ەنەرگەتيكا مينيسترلىگى قازاقستان 2024 -جىلدى گەرمانياعا «درۋجبا» قۇبىرى ارقىلى 1,4 ميلليون توننا مۇناي جەتكىزۋ بولجامىمەن اياقتايتىنىن حابارلاعان.

ەۋروپاعا مۇناي جەتكىزۋ تىزبەگى قالاي ۇسىنىلاتىنى «قازاقپارات» اگەنتتىگىنىڭ مەنشىكتى ءتىلشىسىنىڭ ماتەريالىندا.

اۆتور
ەركەجان سماعۇلوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى