قازاقستاندىق جۋرناليستەر تەننيستەن الەم چەمپيوناتىندا التىن مەن كۇمىس الدى

قازاقستان تەننيس فەدەراتسياسىنان ءمالىم ەتكەنىندەي، دۇنيەجۇزىلىك جۋرناليستەر دوداسى وسىمەن 45 رەت ۇيىمداستىرىلدى.

الەم چەمپيوناتىندا ەل نامىسىن قۋاندىق شىناسىلوۆ (Zakon.kz) پەن تالعات قالياقپاروۆ ("حابار") قورعادى.

جارىس اتاقتى حورۆاتيالىق تەننيسشى يۆان ليۋبيچيچ اكادەمياسىنىڭ توپىراق توسەنىشىندەگى كورتتارىندا ءوتتى.

تۋرنيرگە 11 ەلدەن 70 تەن استام ويىنشى قاتىسىپ، ولار جاس ەرەكشەلىكتەرىنە قاراي باق سىنادى.

قازاقستاندىقتار ءبىر التىن، ەكى كۇمىس مەدالعا يە بولدى.

جەكەلەي سىندا +55 (فيۋچەرس) ساناتىندا تالعات قالياقپاروۆ جەڭىمپاز اتاندى. ول سونداي-اق قۋاندىق شىناسىلوۆپەن بىرگە جۇپتىق سىندا +105 (ەكەۋىن قوسقاندا) جاس ساناتىندا فينالعا دەيىن جەتتى. ت. قالياقپاروۆ سلوۆاكيالىق ولگا كمەتوۆامەن بىرگە ميكستە تاعى ءبىر كۇمىسكە قول جەتكىزدى.

ەسكە سالا كەتەيىك، بۇدان بۇرىن دياس دوسقارايەۆتىڭ تەننيسشى تۋرنيردە قاتىسۋ ارقىلى عانا شىڭدالاتىنى جونىندە ايتقانىن جازعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى