قازاقستاندىق جاس ءانشى ەرجان ماكسيم دۋبايدا وتكەن حالىقارالىق بايقاۋدىڭ باس جۇلدەسىن جەڭىپ الدى

بۇل قۋانىشىمەن ەرجان ماكسيم Instagram الەۋمەتتىك جەلىسىندەگى پاراقشاسىندا كوپشىلىكپەن ءبولىستى.

- SANREMO BEST SONG 2025 DUBAI حالىقارالىق انشىلەر كونكۋرسىن باعىندىرۋ بۇيىرعان ەكەن، قادىرمەندى اعايىن! ەندەشە، ەرەكشە سەزىممەن بارلىق مەنىڭ ونەرىمدى باعالاپ، وسى كۇنگە دەيىن مەنى قولداپ جۇرەتىن قازاق ەلىمە باسىمدى يەمىن. ءبىراق، وسى جولى بەسىكتەن وسى كۇنگە دەيىن ماپەلەپ وسىرگەن، ونەرىمە بار ءومىرىن ارناعان انام مەن اكەشىمە دە ارناعىم كەلەدى. تۋما-تۋىس پەن جاقىندارىما، ۇستازدارىم مەن دوستارىما جانە بارلىق قولداۋ بىلدىرگەن جان اعالارىما العىسىم شەكسىز. جەڭىستى كۇندەرىمىز كوپ، بولاشاعىمىز جارقىن بولسىن! - دەپ جازدى ءانشى.

- قازىرگى كەزدە استانا قالاسىندا تۇرىپ جاتىرمىز. ەرجان 17 جاستا، «شابىت» ۇلتتىق ونەر اكادەمياسىنىڭ كوللەدجىندە وقيدى. ءتۇرلى بايقاۋ، فەستيۆالدەرگە قاتىسۋمەن بىرگە مۋزىكالىق ءبىلىمىن دە ۇدايى جەتىلدىرىپ كەلەدى، - دەدى Kazinform تىلشىسىنە ەرجاننىڭ اناسى گۇلميرا الىبەك.

ورال قالاسىندا تۋىپ-وسكەن ەرجان ماكسيم 2019 -جىلى رەسەيدىڭ ءبىرىنشى ارناسى ۇيىمداستىرعان «گولوس. دەتي» كونكۋرسىندا ونەر كورسەتىپ، كەيىن جەڭىمپاز اتانعان ەدى.

ەسكە سالا كەتەيىك، بۇدان بۇرىن ەرجان ماكسيمنىڭ «گولوس. دەتي» كونكۋرسىنىڭ سۋپەرفينالىندا ونەر كورسەتكەنىن جازعان بولاتىنبىز.

سونداي-اق ەرجان ماكسيم «گولوس. دەتي» بايقاۋىنىڭ جەڭىمپازى اتاندى.

اۆتور

عايساعالي سەيتاق

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى