قازاقستاندىق فيلم قىتايداعى بايقاۋدا ۇزدىك وپەراتورلىق جۇمىس نوميناتسياسىن جەڭىپ الدى

سىچۋان ولكەسىنىڭ چەندۋ قالاسىندا وتكەن ەكىنشى «التىن پاندا» بايقاۋىندا 27 سىيلىق تابىس ەتىلدى. ماراپاتقا يە بولعانداردىڭ ىشىندە قازاقستاندىق ازامات دۋلاتوۆ تا بار. ول «قاش» فيلمىمەن ۇزدىك وپەراتورلىق جۇمىس نوميناتسياسىن جەڭىپ الدى.

اتالعان «قاش» فيلمى ەكى اعايىندىنىڭ جەكە وقيعاسى ارقىلى 1931-1933 -جىلدارداعى قازاق دالاسىنداعى جاپپاي اشارشىلىق تراگەدياسىن باياندايدى.

ايتا كەتەيىك، بايقاۋدا فيلمدەر، تەلەحيكايالار، دەرەكتى فيلمدەر مەن مۋلتفيلمدەردىڭ ءتورت نەگىزگى نوميناتسياسى بويىنشا، سونداي-اق قازىلار القاسىنىڭ ارنايى جۇلدەسى بويىنشا بارلىعى 27 ماراپات جاريالاندى.

«التىن پاندا» ماراپاتتارى - ءداۋىردىڭ كۆينتەسسەنتسياسىن بەينەلەيتىن، حالىقارالىق پەرسپەكتيۆالاردى كورسەتەتىن، جالپى ادامزاتتىق قۇندىلىقتاردى ناسيحاتتايتىن جانە ەموتسيونالدى بايلانىستاردى تۋدىراتىن ەرەكشە كينو جانە تەلەجۇمىستارعا بەرىلەتىن حالىقارالىق بايقاۋ. حالىقارالىق قازىلار القاسىنىڭ قۇرامىنا الەمدىك ىقپالى بار قۇرمەتتى ماماندار شاقىرىلادى.

باقىتجول كاكەش

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى