قازاقستاندىق شەبەرلەر قۇراق كورپە تىگۋدەن الەمدىك رەكورد ورناتتى

«8-قىركۇيەك ساعات 13.00-دە ەرەكشە ءىس-شارا ءوتتى. قازاقستاننىڭ تۇكپىر-تۇكپىرىنەن كەلگەن 450-دەن استام شەبەر قۇراق كورپە تىكتى. وسىلايشا، دۇنيەجۇزىلىك كوشپەندىلەر ويىندارىندا قازاقستاندىق گيننەس رەكوردتار كىتابىنا تىركەلەتىن الەمدىك رەكورد ورناتىلدى»، - دەپ حابارلادى دۇنيەجۇزىلىك كوشپەندىلەر ويىندارىنىڭ باسپا ءسوز قىزمەتىنەن.

ساناۋلى ساعاتتان سوڭ V دۇنيەجۇزىلىك كوشپەندىلەر ويىندارىنىڭ سالتاناتتى اشىلۋى باستالدى.

ايتۋلى شاراعا الەمنىڭ 89 ەلىنەن 2500-دەن استام ادام قاتىسادى جانە ۇلتتىق سپورت باسەكەسىنىڭ اشىلۋ ءراسىمى «استانا ارەنا» ستاديونىندا ءوتتى.

ەسكە سالساق، مادەنيەت جانە اقپارات مينيسترلىگىنىڭ حابارلاۋىنشا، شوۋعا 3 مىڭ ارتيست قاتىستى. شارانىڭ اشىلۋ ءراسىمىنىڭ الدىندا، 8-قىركۇيەك كۇنى ساعات 16:00-دە قازاقستاندىق ەسترادا جۇلدىزدارىنىڭ قاتىسۋىمەن كونسەرت باستالدى. كونسەرت اياقتالىسىمەن ساعات 19:00-دە رەسمي اشىلۋ سالتاناتى بولدى. شوۋ بارىسىندا ساحنا مەن مۋلتيمەديانىڭ زاماناۋي تەحنولوگيالارى قولدىنىلا وتىرىپ، ەكى ساعاتتىق مۋزىكالىق تەاترلاندىرىلعان قويىلىم ۇيىمداستىرىلدى.

اۆتور
داۋلەت ىزتىلەۋ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى