قازاقستاندىق دارىگەرلەر شالا تۋعان 1500 دەن استام نارەستەنىڭ كورۋ قابىلەتىن قالپىنا كەلتىردى

بىلتىر 1500 جاڭا تۋعان نارەستە ەڭ جاڭا جابدىقتا وفتالمولوگيالىق سكرينينگتەن ءوتتى، ونىڭ كومەگىمەن وفتالمولوگيالىق حيرۋرگتار ارنايى اپپاراتتاردا كوز تورىن لازەرلىك كواگۋلياتسيالاۋ ارقىلى 508 شالا تۋعان نارەستەنىڭ كورۋ قابىلەتىن ساقتاي الدى، دەپ حابارلايدى قازاقپارات.

دەنساۋلىق ساقتاۋ مينيسترلىگىنىڭ مالىمەتىنشە، ەلدە مەرزىمىنەن بۇرىن تۋعان نارەستەلەردىڭ شامامەن %35 ى رەتينوپاتيادان زارداپ شەگەدى، بۇل شالا تۋعان نارەستەلەردە كورۋ قابىلەتىنىڭ تۇراقتى جوعالۋىنا اكەلەتىن كوز اۋرۋى.

وسى ارالاسۋلاردىڭ ارقاسىندا شالا تۋعان نارەستەلەردە كورۋ قابىلەتىن ساقتاۋ مۇمكىن بولدى.

2008 -جىلى قازاقستاندا د د ۇ ۇسىنعان ءتىرى تۋۋ ولشەمشارتتارى ەنگىزىلدى، ناتيجەسىندە ەلىمىزدە دەنە سالماعى 500 گرامنان اساتىن بالالارعا كۇتىم جاسالا باستادى. جىل سايىن رەسپۋبليكادا 400 مىڭنان استام بالا تۋادى، ونىڭ %5 ى مەرزىمىنەن بۇرىن تۋادى.

شالا تۋعان نارەستەلەردىڭ وسى ساناتىنىڭ ءومىر ءسۇرۋىن ارتتىرۋ ءۇشىن ەلدە بوساندىرۋ ۇيىمدارىنىڭ قىزمەتىن رەتتەيتىن نورماتيۆتىك قۇقىقتىق اكتىلەر ازىرلەندى، ءتيىمدى پەريناتالدىق تەحنولوگيالار، قاۋىپسىز انا بولۋ قاعيداتتارى، پەريناتالدىق كومەكتى وڭىرلەندىرۋ ەنگىزىلدى.

شالا تۋعان بالالاردىڭ كورۋ ساپاسىن ساقتاۋ ءۇشىن رەسپۋبليكادا وفتالمولوگيالىق سكرينينگ جۇرگىزىلەدى.

ىسكە اسىرىلعان ءىس-شارالاردىڭ ارقاسىندا ەلدە وڭ ناتيجەلەرگە قول جەتكىزىلدى جانە وفتالمولوگيالىق سكرينينگپەن قامتۋدى جاقسارتتى.

پاتولوگيانىڭ دياگنوستيكاسى رەتينوپاتيادا سىرتقى بەلگىلەردىڭ بولماۋىمەن قيىندايدى جانە تەك ارنايى جابدىقتى (وفتالموسكوپتى) قولداناتىن مامانداندىرىلعان جانە دايىندالعان وفتالمولوگ بۇل اۋرۋدىڭ ەرتە كورىنىستەرىن كورە الادى.

دەنساۋلىق ساقتاۋ مينيسترلىگى العاش رەت جاڭا تۋعان نارەستەلەرگە «لۋسەنتيس» پرەپاراتىن ينتراۆيترەالدىق ەنگىزۋ بويىنشا كلينيكالىق حاتتامانى ازىرلەپ، بەكىتتى، بۇل وفتالمولوگ دارىگەرلەردىڭ پىكىرىنشە، قازاقستاندا شالا تۋعان نارەستەلەردىڭ رەتينوپاتياسىن ەمدەۋدەگى ناعىز سەرپىلىس بولدى. ول رەتينوپاتيانىڭ ءجىتى تۇرلەرىن ينەكتسيالىق ەمدەۋدى قامتيدى، بۇل بالالاردىڭ كورۋ قابىلەتىن قالپىنا كەلتىرۋگە مۇمكىندىك بەرەدى.

جاڭا تۋعان نارەستەلەردەگى رەتينوپاتيانى دياگنوستيكالاۋ جانە ەمدەۋ بويىنشا وسىنداي ايقىن ناتيجەلەر ق ر دەنساۋلىق ساقتاۋ مينيسترلىگى مەن ەلىمىزدىڭ مەتسەناتتىق قوعامداستىعىنىڭ ءتيىمدى ىنتىماقتاستىعىنىڭ ارقاسىندا مۇمكىن بولدى.

ىنتىماقتاستىق ناتيجەسىندە شالا تۋعان نارەستەلەردىڭ رەتينوپاتياسىن دياگنوستيكالاۋ جانە ەمدەۋ انا مەن بالا ۇلتتىق عىلىمي ورتالىعىندا جاقسارادى.

بۇل مەديتسينالىق ورتالىقتىڭ وفتالمولوگيالىق قىزمەتى AYALA قورىنىڭ كومەگىمەن «شەۆرون» كومپانياسىنان ا ق ش-تا جاسالعان زاماناۋي رەتينالدىق كامەرانى الدى. ەندى دارىگەرلەر شالا تۋعان نارەستەلەردەگى وسىنداي كۇردەلى كوز اۋرۋىن ساپالى جانە جەدەل تۇردە انىقتاپ، ەمدەي الادى. ول ءۇشىن ۇ ع ا ب و اكتيۆىندە رەتينالدىق كامەرا، وفتالموسكوپ جانە لازەرلىك حيرۋرگيالىق قوندىرعى سەكىلدى قاجەتتى وفتالمولوگيالىق جابدىقتىڭ تولىق جيىنتىعى بار.

مينيسترلىك سونداي-اق 2022 -جىلى «قازاقستان حالقىنا» قوعامدىق قورىنىڭ ەلىمىزدىڭ 12 ءوڭىرى ءۇشىن وفتالمولوگيالىق سكرينينگكە ارنالعان 24 بىرلىك قىمبات جابدىقتى، «ايالا» قايىرىمدىلىق قورىنىڭ ەلىمىزدىڭ 7 ءوڭىرى ءۇشىن 11 بىرلىك ساتىپ الۋ ماسەلەسىن پىسىقتادى. وفتالمولوگيالىق سكرينينگ جۇرگىزۋ ءۇشىن جابدىقتارمەن قامتاماسىز ەتۋ %100 دى قۇرادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى