قازاقستاندىق عالىمدار ۇزدىكسىز جالاقى الا الادى
ەلىمىزدە عالىمدارعا تۇراقتى ۇزدىكسىز جالاقى بەرۋ جاعى زاڭ جۇزىندە قارالىپ جاتىر. بۇل تۋرالى ق ر پارلامەنتى ءماجىلىسىنىڭ دەپۋتاتى اسحات ايماعامبەتوۆا بايانداپ بەردى، دەپ حابارلايدى Kazinform.
«بۇگىنگى وتىرىستا عالىمداردى تۇراقتى ۇزدىكسىز جالاقىمەن قامتاماسىز ەتۋدى ۇسىنىپ وتىرمىز. قازىر عالىمدار جالاقىنى نەگىزىنەن مەرزىمدى تۇردە جاريالاناتىن گرانتتار ەسەبىنەن الادى. ەگەر سىزدە عىلىم گرانت بولماسا، جالاقىسىز قالاسىز. زاڭ جوباسى قابىلدانعاننان كەيىن عالىمدار، بارلىق جۇمىسشىلار سياقتى، اي سايىن جالاقى الادى.»، - دەدى اسحات ايماعامبەتوۆ ب ا ق وكىلدەرىنىڭ ساۋالىنا جاۋاپ بەرە تۇرىپ.
اسحات ايماعامبەتوۆتىڭ ايتۋىنشا، قاراجات بيۋدجەتتەن بولىنەتىن بولادى.
«ءبىز قوسىمشا اقى ۇسىنامىز. مىسالى، دارەجەسى پروفەسسورعا. قازىر ۇكىمەتتىڭ قورىتىندىسى دايىندالىپ جاتىر. مۇنىڭ ءبارى ناقتىلاناتىن بولادى. ولار قوسىمشا اقى الۋى كەرەك. سوڭعى 30 جىلدا عىلىمي قىزمەتكەرلەر سانى بىرنەشە ەسە ازايدى. ءبىز بۇل ماماندىقتى عىلىمي كادرلارىمىز ءۇشىن قارجىلاندىرۋ جانە الەۋمەتتىك پاكەت تۇرعىسىنان تارتىمدى ەتۋىمىز كەرەك»، - دەيدى دەپۋتات.
