قازاقستاندىق عالىمدار پوليەتيلەن مەن اعاش قالدىقتارىنان قۇرىلىس ماتەريالىن جاساپ شىعاردى
استانا. KAZINFORM - عىلىم جانە جوعارى ءبىلىم مينيسترلىگى Kazinform ساۋالىنا جولداعان جاۋابىندا قۇرىلىس ماتەريالدارىنىڭ قالدىعىن وندىرىستە پايدالانۋعا بولاتىن جوبا تۋرالى مالىمەت ۇسىندى.
«وزەگىندە اعاش بار قۇراندى ماتەريال ءوندىرىسىن ۇيىمداستىرۋ» جوباسى اعاش وڭدەۋ سالاسىنداعى ونەركاسىپ ءونىمى مەن قايتالاما شيكىزاتتى پايدالانۋ ارقىلى قۇرىلىس ماتەريالىن جاساۋعا باعىتتالعان. اعاش- پوليمەر بۇيىم جاساۋعا اعاش وڭدەۋدەن ارتىلعان قالدىق پەن وڭدەلگەن پوليەتيلەندى، جانە پوليپروپيلەندى قايتالاپ پايدالانۋ ارقىلى تۇزىلەدى»، - دەلىنگەن مينيسترلىك جاۋابىندا.
ۆەدومستۆونىڭ مالىمەتى بويىنشا، جوبا اياسىندا 500 توننا قالدىقتى وڭدەۋگە بولادى.
«جوبا جاقسى ناتيجەلەرگە قول جەتكىزدى، ءوندىرىس جولعا قويىلدى. بۇگىنگى تاڭدا ءونىم ساتۋدان تۇسكەن تابىس گرانت سوماسىنىڭ جارتىسىنان اسىپ كەتتى»، - دەپ جازىلعان مينيسترلىك مالىمەتىندە.
اۆتور
ەسىمجان ناقتىباي
