قازاقستاندىق بەلگىلى كاسىپقوي بوكسشى تاشكەنتتە ماڭىزدى ايقاس وتكىزەدى
ورتا سالماقتا ونەر كورسەتەتىن قازاقستاندىق بوكسشى مەيىرىم نۇرسۇلتانوۆ (19-0، 11 ك و) كەلەسى جەكپە-جەگىن تاشكەنتتە وتكىزەتىن بولدى، دەپ حابارلايدى Vesti.kz.
12 راۋندتىق ايقاس 17- قاراشا وزبەكستان استاناسىنداعى «حۋمو ارەنانىڭ» شارشى الاڭىندا وتەدى. قارسىلاس ازىرگە بەلگىسىز، دەگەنمەن ول الەمدىك رەيتينگتە جوعارى تۇرعان بوكسشىنىڭ ءبىرى بولماق. بۇل جەكپە-جەك WBC كونۆەنتسياسىنىڭ اياسىندا وتەدى.
ايتا كەتەيىك، دومينيكانا رەسپۋبليكاسىندا ءوتىپ جاتقان WBO كونۆەنتسياسىندا نۇرسۇلتانوۆ 2023-جىلدىڭ ۇزدىك بوكسشىسى اتاندى.
ال وعان دەيىن BoxRec پورتالىنىڭ تۇجىرىمى بويىنشا نۇرسۇلتانوۆ سالماققا قاراماستان (Р4Р) قازاقستاننىڭ ەڭ مىقتى بوكسشىلارىنىڭ رەيتىنگىندە كوش باسىنا شىققان بولاتىن. وسىلايشا، ول بۇل رەيتينگتە كوپتەگەن جىل كوش باستاپ كەلگەن گولوۆكيندى الماستىردى.
سونىمەن قوسا، قازاقستاندىق BoxRec تۇجىرىمى بويىنشا ورتا سالماقتاعى ەڭ مىقتى بوكسشىلاردىڭ توپ-3 تىزىمىنە كىردى.
