قازاقستاندىق اۋە كومپانياسىنىڭ ەكى رەت كونكۋرس جاريالانىپ، ساتىلماۋىنىڭ سەبەبى نەدە

«وتكەن جىلى «Qazaq Air» اۋە كومپانياسىن ساتۋ تۋرالى اشىق كونكۋرس جاريالاندى. ءبىراق، كونكۋرستىڭ ءبىرىنشى ساتىسىندا ۇسىنىستار بولعان جوق. سوندىقتان بيىل كونكۋرستى قايتا جاريالادىق. وكىنىشكە قاراي، ەكىنشى كونكۋرس تا ءساتسىز اياقتالدى. ءبىراق، ايتا كەتەتىن جايت، «Qazaq Air» اۋە كومپانياسىنا قازاقستاندىق جانە شەتەلدىك ينۆەستورلاردان دا قىزىعۋشىلىق بولدى. ءبىز ۇسىنعان باعامىز 10 ميلليارد تەڭگە»، - دەدى سالتانات ءساتجان سەنات قابىرعاسىندا وتكەن جيىننان كەيىن Kazinform اگەنتتىگى ءتىلشىسىنىڭ ساۋالىنا جاۋاپ بەرە تۇرىپ.

ونىڭ ايتۋىنشا، اتالعان كومپانيانىڭ ۇلتتىق قوردان العان 38 ميلليارد تەڭگە قارىزى بار.

«Qazaq Air- دى ساتىپ الاتىن ينۆەستور سول قارىزدى وتەۋ كەرەك. قازىر ءبىز اۋە كومپانياسىن قالاي جەكەشەلەندىرۋ جاعىن قاراستىرۋدامىز. اقپاننىڭ سوڭىنا دەيىن ينۆەستورلار ءوز ۇسىنىستارىن بەرە الادى، ءبىز ونى قاراپ، ناتيجەسىن اشىق جاريالايمىز»، - دەيدى ول.

ەسكە سالا كەتسەك، جىل باسىندا قايتا ساتۋعا قويىلعان Qazaq Air اۋە كومپانياسىنىڭ 38 ميلليارد تەڭگە قارىزى بارىن حابارلاعان ەدىك.

اۆتور

داۋلەت ىزتىلەۋ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى