قازاقستاندىق 4 وقۋشى حالىقارالىق ماتەماتيكالىق وليمپيادادا ەل نامىسىن قورعايدى
استانا. KAZINFORM - قازاقستاننىڭ قۇراما كومانداسى 2025-جىلعى 13-19-ءساۋىر ارالىعىندا پريشتينا (كوسوۆو) قالاسىندا وتەتىن قىزدارعا ارنالعان ەۋروپالىق ماتەماتيكالىق وليمپياداعا (EGMO) قاتىسىپ جاتىر. بۇل تۋرالى وقۋ-اعارتۋ مينيسترلىگىنىڭ باسپا ءسوز قىزمەتى حابارلادى.
زياتكەرلىك سايىستا الەمنىڭ 60 ەلىنەن 240 وقۋشى باق سىنايدى. قازاقستان قۇراماسىن الماتى قالاسىنداعى Haileybury Almaty حالىقارالىق مەكتەبىنىڭ 11-سىنىپ وقۋشىسى اراي قاسەنوۆا، پاۆلودار قالاسىنداعى دارىندى بالالارعا ارنالعان № 8 مەكتەپ-ليتسەيىنىڭ 10 سىنىپ وقۋشىسى يۋليا كاتۋنينا، الماتى قالاسىنداعى س. ا. حودجيكوۆ اتىنداعى № 39 مامانداندىرىلعان ليتسەيدىڭ 11-سىنىپ وقۋشىسى انار ديداربەكوۆا جانە ارۋجان قايرات تانىستىرادى.
EGMO العاش رەت 2012 -جىلى كەمبريدجدە ( ۇلى بريتانيا) وتكىزىلدى. قازاقستان كومانداسى وليمپياداعا 2017-جىلدان بەرى قاتىسىپ كەلەدى. وسى ۋاقىت ىشىندە ەلىمىزدىڭ قۇراماسى 3 التىن، 9 كۇمىس، 11 قولا مەدال جانە 4 قۇرمەت گراموتاسىن جەڭىپ العان.
ايتا كەتەلىك الماتىلىق وقۋشىلار NASA بايقاۋىندا جەڭىسكە جەتكەن ەدى.
