قازاقستانداعى قىسقى دەمالىس ورىندارىندا قىزمەت كورسەتۋ قۇنى قانشا تۇرادى

الماتى جانە تيان- شان تاۋلارىنا ۇشۋ

الماتى قالاسى مەن وبلىسى - تۇمسا تابيعات مەكەنى. مۇندا شىڭىن قار باسقان تاۋدى تاماشالاپ، تابيعات اياسىندا دەمالۋعا بولادى. الماتىدا قىسقى تۋريزم ينفراقۇرىلىمى جاقسى دامىعان ءارى ساپاسىنا قاراي باعاسى دا ءارقيلى. كوپشىلىك بىردەن شىمبۇلاققا بارادى. مۇندا تاياۋدا عانا ابونەمەنت باعاسى كوتەرىلدى. ەرەسەكتەر ءۇشىن كۇنىنە 17500 تەڭگە دەپ بەكىتىلگەن. بەلسەندى دەمالىستى جاقسى كورەتىن ادامدار شاڭعى جانە سنوۋبورد جولاعىندا ۋاقىتتى ءتيىمدى ءارى كوڭىلدى وتكىزە الادى. ال ەكسترەمالدى جاقسى كورەتىن ادامدار، تاۋەكەلشىلدەر فريرايد، ياعني، ارنايى دايىندالماعان جولاقتى تاڭداي الادى. قىزمەتتىڭ بارلىق ءتۇرىن تاڭداساڭىز باعاسى - 30000 تەڭگە.

ەستەن كەتپەس قىزىققا باتقىڭىز كەلسە تيان-شان تاۋىن كوكتەن تاماشالاۋعا بولادى. قىزمەت قۇنى - 55000 تەڭگە. قالانىڭ كۇيبەڭ تىرلىگىنەن شارشاعاندار ورماننىڭ تىنىشتىعىنا شومىلىپ، اتپەن سەرۋەندەي الادى. قىزمەت قۇنى ساعاتىنا 6000 تەڭگەدەن باستالىپ، 10000 تەڭگەگە دەيىن بارادى.

ءبىر ادامعا ارنالعان ءنومىر باعاسى 16000 تەڭگەدەن باستالادى. ال ليۋكس قۇنى 240000 تەڭگەگە جەتەدى.

ش ق و- داعى تاۋ شاڭعىسى تراسساسى

شىعىس قازاقستان وبلىسى - بەلسەندى دەمالىس پەن تاۋەكەلدى سۇيەتىن جاندار ءۇشىن تاپتىرماس ورىن. مۇندا تاۋ شاڭعىسى تراسساسى بار. سنوۋبورد- پارك جانە سنوۋكايتينگ تاڭداعان ادام قىزىققا كەنەلەدى. بۇرىن بۇل سپورت تۇرىنە قىزىقپاعان جاندارعا نۇسقاۋشىلار كومەكتەسەدى. ءبىر كۇندىك ابونەمەنت باعاسى 6000 تەڭگەدەن باستالىپ 15000 تەڭگەگە دەيىن جەتەدى. دەمالىس ورنىندا وتباسىمەن بىرگە ۋاقىت وتكىزەتىن ادامدارعا دا قىزىق تابىلادى. شانا، تيۋبينگ باعاسى 3 مىڭ تەڭگەدەن باستالادى. اسپالى جولمەن ءجۇرىپ ءوتۋ باعاسى 1000 تەڭگەدەن باستالىپ 4000 تەڭگەگە جەتەدى. ال ءبىر كۇندىك ابونەمەنت باعاسى 11000 تەڭگەدەن باستالىپ 24000 تەڭگەگە دەيىن بارادى. ول كەزدە قىسقى سپورت ءتۇرىنىڭ كەز كەلگەنىن ەش كەدەرگىسىز تاڭداۋعا بولادى. تۋريستەر ءۇشىن قوناقۇي دە بار. وندا ستاندارت نومىرلەر باعاسى - 18000 - 30000 تەڭگە ارالىعىندا. نەمەسە 90 مىڭ تەڭگە تولەپ، ءتورت ادامدىق ءنومىرى بار ءۇيدى تاڭداۋعا بولادى. ءۇي كول جاعاسىندا ورنالاسقان.

شاڭعىدان حاسكيگە دەيىن: اقمولا وبلىسىنداعى قىسقى دەمالىس

اقمولا وبلىسىندا جازعا قاراعاندا قىسقى دەمالىس الدەقايدا قولجەتىمدى. باعا نەشە كۇن دەمالاتىنىڭىزعا جانە قانشالىقتى جايلى ورىن تاڭدايتىنىڭىزعا بايلانىستى بولادى. شۋچە- بۋرابايدا تاۋ شاڭعىسى مەن سنوۋبورد جانە زەرەندى كۋرورتتىق ايماعىندا بىرنەشە تاۋ شاڭعىسى تراسساسى بار دەمالىس ورنىن تاڭداۋعا بولادى. ءبىر ساعاتتىق دەمالىس 7000 تەڭگەدەن باستالىپ، 13000 تەڭگەگە جەتەدى. بالالار ءۇشىن جەڭىلدىك قاراستىرىلعان. ولارعا ساعاتىنا - 3500-6500 تەڭگە. ەكستريمالدى سپورت ءتۇرىن تاڭداعاندار كۆادروتسيكل جانە قاردا جۇرەتىن كولىكپەن سەرۋەندەۋگە ارنالعان تۋرمارشرۋت ۇسىنىلادى. وتباسىلىق دەمالىستى قالاعان ادامدار شانامەن سىرعاناپ، حاسكي يتتەرىمەن قىدىرا الادى. باعاسى 5000 تەڭگەدەن باستالادى. ال وزگە دەمالىس ءتۇرىن تاڭداعاندار شاڭعىمەن سەرۋەنگە شىعىپ، سكانديناۆ ءجۇرىسى بار مارشرۋتتى تاڭدايدى. قىزمەت قۇنى 6 مىڭ تەڭگەدەن باستالادى.

كونكي تەبۋدى قالايتىندار ءۇشىن اشىق مۇز ايدىندارى جۇمىس ىستەپ تۇر. كول بەتىندە حوككەي ويناۋعا بولادى. ال تاجىريبەلى سنوۋبوردشىلار مەن شاڭعىشىلار ءۇشىن فريرايد مارشرۋتى بار. مۇنداعى بارلىق قىزمەت ءتۇرى 33000 تەڭگە شاماسىندا.

ستاندارت نومىرلەرىنىڭ باعاسى شامامەن 24000 تەڭگە بولىپ تۇر. ال VIP ۆيللالار باعاسى تاۋلىگىنە 430 مىڭ تەڭگە.

س ق و- داعى تاڭعاجايىپ تابيعات

يمانتاۋ- شالقار كۋرورتتىق ايماعىنداعى تابيعي لاندشافتتى قازاق جەرىندەگى شۆەيتساريا دەپ اتايدى. تۋريستەر سولتۇستىك قازاقستانداعى تابيعات تاڭعاجايىبىن جىل بويى تاماشالاپ، تىنىعادى. دەگەنمەن قىسقى كەرەمەتتىڭ ورنى ەرەك. بۇل جەردە بەلسەندى دەمالىس پەن ساۋىقتىرۋعا باعىتتالعان 10 تۋريستىك نىسان بار. كەلۋشىلەرگە كۆادروتسيكل، شاڭعى، كونكي ۇسىنىلادى. ەكستريمالدى جاقسى كورەتىن ادامدار شانامەن جانە سنوۋبوردتا سىرعانايدى. باعاسى 15000 تەڭگەدەن باستالادى. سونىمەن بىرگە شالقار مەن يمانتاۋدا بالىق اۋلايدى. باعاسى 6500 تەڭگەدەن باستالادى. دەنساۋلىعىن شىڭداعىسى كەلەتىن ادامدار مۇزداي سۋعا شومىلادى. قىستا سۋدا جۇزۋگە بار جاعداي جاسالعان. باعاسى 7 مىڭ تەڭگەدەن باستالادى. دەمالىس ورنىندا ءبىر كۇن تۇنەۋ ورتا ەسەپپەن - 15000 تەڭگە.

تۇركىستان وبلىسىنداعى تابيعات

تولە بي اۋدانىنداعى تاۋ شاڭعىسى بازاسىنا شىمكەنتتەن ءبىر ساعاتتا جەتۋگە بولادى. مۇندا قار از بولعان كۇننىڭ وزىندە زاماناۋي تەحنولوگيانىڭ كومەگىمەن سىرعاناۋعا بار جاعداي جاسالعان. تاۋدا 152 ادامعا قىزمەت كورسەتە الاتىن اسپالى جول بار. ءبىر رەت كوتەرىلۋ قۇنى بالالارعا 2500 تەڭگە، ەرەسەكتەرگە 5000 تەڭگە.

دەمالىس ورنىندا فريرايدتى تاڭدايتىندار ءۇشىن بىرنەشە تراسسا قاراستىرىلعان. سونىمەن بىرگە دايىن جولاقتى تاڭدايتىن ادامدارعا ارنايى مارشرۋت ۇسىنىلادى. باعاسى 3000-10000 تەڭگە ارالىعىندا.

ستاندارت نومىرلەردە تۇرۋ باعاسى 30000 تەڭگە. ال ءبىر توپ ادامعا، ونىڭ ىشىندە 10 جانعا باعاسى 270000 تەڭگە بولاتىن كوتتەدج ۇسىنىلادى.

جابدىقتارعا قوسىمشا اقى تولەيدى

قازاقستاننىڭ تاۋ-شاڭعى كۋرورتتارىنا بارۋ ءۇشىن قوسىمشا اقشا كەرەك ەكەنىن ۇمىتپاعان ءجون. مۇندا كيىم مەن ءتۇرلى كەرەك- جاراقتى الدىن الا جالعا الۋ كەرەك.

شاڭعى مەن سنوۋبوردتى ءبىر كۇنگە جالعا الۋ باعاسى 5000-10000 تەڭگە.

سنوۋبوردقا ارنالعان كيىم جانە كەرەك جاراق قۇنى 6000-13000 تەڭگە ارالىعىندا. شلەم مەن ءتۇرلى قاجەتتى قورعانىس زاتتارى 1000-3000 تەڭگە ارالىعىندا.

نۇسقاۋشى قىزمەتى:

شاڭعى مەن سنوۋبورد تەبۋدى ۇيرەتەتىن جەكە نۇسقاۋشى قىزمەتى ساعاتىنا 7000-15000 تەڭگە تۇرادى.

توپتىق ءدارىس باعاسى ساعاتىنا 4000-6000 تەڭگە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى