قازاقستانداعى كيىكتەردىڭ رەسەيگە جاپپاي اۋىپ جاتقانى راس پا

«كيىكتەردىڭ رەسەي فەدەراتسياسىنا (ساراتوۆ، ۆولگوگراد، استراحان جانە ورىنبور وبلىستارى) جاپپاي اۋىپ جاتقانى تۋرالى مالىمەت راستالمايدى»، - دەلىنگەن مينيسترلىكتىڭ رەداكسيا ساۋالىنا جولداعان جاۋابىندا.

سونداي-اق، ۆەدومستۆو ماماندارى كيىكتىڭ ماۋسىم سايىن كوشىپ-قونىپ ءجۇرۋى تابيعي قۇبىلىس ەكەنىن ەسكە سالعان.

ەسكە سالايىق، 13-قاراشاداعى جاعداي بويىنشا ەلىمىزدە كيىك سانىن قولدان رەتتەۋشىلەر 11 مىڭ باستان استام كيىك اتقان.

«2023 -جىلدىڭ 13 قاراشاسىنداعى مالىمەت بويىنشا 15380 كيىك اتىلدى. ونىڭ ىشىندە 3954 كيىك (اقمولا وبلىسىندا 10 كيىك، باتىس قازاقستان وبلىسىندا 3944 كيىك) ارنايى قورشاۋعا الىنسا، اتۋ ارقىلى 11426 كيىك (اقمولا وبلىسىندا 1833 كيىك، قاراعاندى وبلىسىندا 2049 كيىك، قوستاناي وبلىسىندا 1479 كيىك جانە باتىس قازاقستان وبلىسىندا 6065 كيىك) اۋلاندى»، - دەپ جازىلعان ۆەدومستۆونىڭ رەداكسيا ساۋالىنا جولداعان جاۋابىندا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى