قازاقستاندا پويىز بيلەتىنىڭ ورتاشا باعاسى قانشا

«جولاۋشىلاردى تاسىمالداۋ بويىنشا قازىر 66 وبلىس ارالىق مارشرۋت جۇمىس ىستەپ جاتىر. بۇل باعىتتاردا 13 تاسىمالداۋشى قىزمەت كورسەتەدى. وبلىستاردىڭ بولىنۋىنە بايلانىستى، بيىل قالا ماڭىنداعى باعداردان 2 جاڭا وبلىس ارالىق باعىت قۇرىلدى (الماتى - قونايەۆ جانە قاراعاندى - جەزقازعان)»، - دەدى م. قارابايەۆ بۇگىنگى ۇكىمەت وتىرىسىندا.

جالپى جولاۋشىلاردى تاسىمالداۋ رەسپۋبليكالىق بيۋدجەتتەن سۋبسيديالانادى. بۇل شارالار حالىقتىڭ بارلىق توپتارى ءۇشىن جول ءجۇرۋ قۇجاتتارىنىڭ قولجەتىمدى باعاسىن قامتاماسىز ەتۋگە باعىتتالعان.

«قازىرگى تاڭدا، پوەزد بيلەتى باعاسىنىڭ ورتاشا قۇنى 8 مىڭ تەڭگەنى قۇرايدى. جولاۋشىلار ۆاگونىنىڭ پاركىندە 2567 ۆاگون بار. تاسىمالداۋعا سۇرانىس جوعارى كەزدە 300 ۆاگون تاپشىلىعى بايقالادى. بيىل جولاۋشىلار تاسىمالى ءۇشىن 162 جاڭا ۆاگون الىنادى. نەگىزگى ءوندىرۋشى - پەتروپاۆل قالاسىندا ورنالاسقان وتاندىق ۆاگون شىعارۋ زاۋىتى»، - دەيدى كولىك ءمينيسترى.

بۇعان دەيىن كولىك ءمينيسترى لوكوموتيۆ پەن جۇك كولىكتەرىن ساتىپ الۋ جۇمىستارى تۋرالى ايتىپ بەرگەن ەدى.

اۆتور

ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى