قازاقستاندا وتاندىق كينولار اپتالىعى وتەدى

رەسپۋبليكا كۇنىنە وراي وتاندىق تەلەارنالاردىڭ ەفيرىندە وليمپيادا چەمپيونى سەرىك ساپيەۆتىڭ ءومىرى تۋرالى اقان ساتايەۆتىڭ «بوكسەر» سپورت دراماسى، قازىرگى قازاق اۋىلىنىڭ بەينەسىن كورسەتەتىن سەرىك اپرىموۆتىڭ «اۋىل» اۆتورلىق كينوسى، ءىنجىل سيۋجەتى مەن ايگىلى الماتىلىق اپورتتار توعىسقان اسقار ۇزابايەۆتىڭ «ادام جانە الما» مەلودراماسى، سەرىكبول وتەپبەرگەنوۆتىڭ «پاتريوتتار ۋاقىتى» اتتى اۋقىمدى ەكشن-فيلمى، قازاق دالاسىنىڭ ايگىلى ايەلدەرى تۋرالى «ەۋرازيا پاتشايىمدارى» دەرەكتى فيلمى مەن ا ق ش-تاعى فەستيۆالداردا جۇلدە العان «كوشە اقىنى» قىسقامەتراجدى فيلمىنىڭ تۇساۋكەسەرى وتەدى.

جالپى 23-29-قازان ارالىعىندا وتاندىق تەلەارنالار سوڭعى بىرنەشە جىلدا مەملەكەتتىڭ قولداۋىمەن تۇسىرىلگەن 15 تولىقمەتراجدى، دەرەكتى جانە قىسقامەتراجدى فيلمدى كورسەتەدى.

قازاقستاندىق كينو اپتالىعىنىڭ وتكىزۋ باستاماسىن Qazaqstan، «حابار»، «جەتىنشى ارنا» جانە «31» مەديا حولدينگى قولداپ وتىر.

«وتاندىق كينووندىرىستى دامىتۋ جانە ۇلتتىق فيلمدەردى تانىمال ەتۋ باعىتىنداعى جۇمىستار بەلسەندى ءجۇرىپ جاتىر. فيلمدەرىمىزدىڭ قالىڭ كورەرمەنگە قولجەتىمدى بولۋى - ءبىز ءۇشىن ماڭىزدى. اسىرەسە، رەسپۋبليكا كۇنى مەرەكەسىندە بۇكىل وتباسىمەن جينالىپ، تەلەديداردان وتاندىق كينونى تاماشالاعانعا نە جەتسىن»، - دەدى ۇ ك ق م و باسقارما ءتوراعاسى قۇرمانبەك جۇماعالي.

ايتا كەتسەك، كينوورتالىق بۇگىن مەملەكەتتىڭ قولداۋىمەن تۇسىرىلگەن فيلمدەردى ناسيحاتتاۋ تۋرالى «31-ارنامەن» مەموراندۋمعا قول قويدى.

بۇعان دەيىن ىنتىماقتاستىق تۋرالى كەلىسسوز Qazaqstan ر ت ر ك، «حابار» اگەنتتىگى جانە «جەتىنشى ارنا» تەلەارنالارىمەن جاسالعان بولاتىن.

«باستى وتباسىلىق تەلەارنا رەتىندە ءبىز كينوورتالىقپەن سەرىكتەستىكتى ارتتىرۋعا جانە اقپاراتتىق قولداۋ كورسەتۋگە قۋانىشتىمىز. قازىردىڭ وزىندە ءبىز كورەرەمەندەرىمىزگە جاڭادان شىققان فيلمدەردى كورسەتۋدى ادەتكە اينالدىردىق جانە بولاشاقتا ۇلتتىق كينونى قولداۋ مەملەكەتتىك ورتالىعى تۇسىرگەن تۋىندىلارمەن قورجىنىمىزدى بايىتاتىن بولامىز. سول سەبەپتى ءبىز وتاندىق كينونى دامىتۋعا مۇددەلىمىز»، - دەپ اتاپ ءوتتى مەدياحولدينگ باس ديرەكتورى بەك كەنجەباي.

فيلمدەردىڭ كورسەتىلۋ ۋاقىتى تۋرالى اقپاراتتى تەلەارنالاردىڭ رەسمي سايتىنان تابا الاسىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى