قازاقستاندا تىيىم سالىنعان ەسىرتكىلەر ءتىزىمى جاڭاردى
استانا. KAZINFORM - سوڭعى ۋاقىتتا ناشاقورلار ءدارىحانالاردان شىقپايتىن بولدى. ولار ءتۇرلى دارىلەردەن قوسپا جاساپ، ەسىرتكى ورنىنا پايدالاناتىن بولعان.
وسىعان بايلانىستى ەلىمىزدە باقىلاۋعا جاتاتىن ەسىرتكى مەن پسيحوتروپتى زاتتاردىڭ ءتىزىمى جاڭارىپ وتىر.
ۇكىمەتتىڭ قاۋلىسىنا سايكەس، تومەندەگى دارىلەر ەسىرتكى تىزىمىنە ەندى:
برورفين؛
پارا-فلۋوروفەنتانيل (پارا-فتورفەنتانيل)؛
مەتونيتازەن.
ال «پسيحوتروپتى زاتتار» تىزىمىنە 3 مەتوكسيفەنتسيكليدين جانە ەۋتيلون قوسىلىپ وتىر.
مەديتسينالىق ماقساتتا پايدالانىلاتىن جانە باقىلاۋعا جاتاتىن ەسىرتكى مەن «پسيحوتروپتى زاتتار» ءتىزىمى دە جاڭارعانىن اتاپ وتكەن ءجون.
