قازاقستاندا تۇرمىستىق تەحنيكا، جيھاز، قاعاز ءوندىرىسى ارتتى

ونەركاسىپ جانە قۇرىلىس ۆيتسە-ءمينيسترى ولجاس ساپاربەكوۆتىڭ ايتۋىنشا، مەتاللۋرگيا ونەركاسىبى 2016-جىلدان بەرى العاش رەت 7,2 پايىز ءوستى. وعان Qarmet- ءتىڭ تولىققاندى جۇمىسىن قالپىنا كەلتىرۋ جۇمىستارى، سونداي-اق «قازحروم»، «قازاقمىس»، «ەۆرازكاسپيانستال»، «اقتوبە رەلس-ارالىق زاۋىتى» سياقتى ءبىرقاتار ءىرى كاسىپورىنداردىڭ ءوندىرىس كولەمىن ۇلعايتۋى ىقپال ەتكەن.

«ءتۇستى مەتاللۋرگيا سالاسى مىس ءوندىرۋ كولەمىنىڭ 13,3 پايىز، مىرىشتىڭ 0,8 پايىز جانە اليۋمينيي ءوندىرىسىنىڭ 1,5 پايىز ۇلعايۋى ەسەبىنەن 4,8 پايىزعا ءوستى. ماشينا جاساۋ سالاسىندا اۋىل شارۋاشىلىعى تەحنيكاسى 15,4 پايىز، تەمىر جول كولىگى 1,6 ەسە، ەلەكتر جابدىقتارى 8,1 پايىز، ەلەكتروندى-وپتيكالىق جابدىقتار جانە كومپيۋتەرلەر كولەمى 1,7 ەسە ارتتى. جاڭا وندىرىستەردى ىسكە قوسۋ ەسەبىنەن تۇرمىستىق تەحنيكا ءوندىرىسى 4,4 ەسە ءوستى»، - دەدى ولجاس ساپاربەكوۆ.

حيميا ونەركاسىبىندە كۇكىرت قىشقىلى 20 پايىز، سارى فوسفور 13,2 پايىز، سونداي-اق پوليپروپيلەن ءوندىرىسىنىڭ جوسپارلى جوبالىق قۋاتىنىڭ 49 پايىز ۇلعايۋى ەسەبىنەن ءوندىرىس كولەمى 8,4 پايىزعا ءوستى.

سونداي-اق، دايىن مەتالل بۇيىمدارىن ءوندىرۋ 29,5 پايىز ، جيھاز - 12,8 پايىز، قاعاز ءوندرىسى 10,2 پايىز ءوسىپ، وڭ ديناميكا كورسەتكەن. بۇل سالالاردىڭ جالپى جيىنتىق ءوسىمى جەڭىل ونەركاسىپ، قۇرىلىس ماتەريالدارى ءوندىرىسى سياقتى ۇلەسى تومەن سالالارداعى تومەندەۋ ستاتيستيكاسىن جاۋىپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى