قازاقستاندا تەحنوقالا اشىلادى - مينيستر
استانا. KAZINFORM - ەلىمىزدە تەحنوقالا سالىنادى. بۇل تۋرالى پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى سەرىك جۇمانعارين ءمالىم ەتتى.
- ازىرگە قۇپيا. قازىر ءبىز جوباسىن دايىنداپ جاتىرمىز. شەت جاعاسىن ەستىدىڭىز. مەملەكەت باسشىسى قاسىم-جومارت توقايەۆ تەحنوقالا اشۋ تۋرالى ايتقان بولاتىن. ونىڭ ىشىندە نە بولاتىنىن، وزگە دە قوسىمشا اقپاراتتاردى ۇكىمەت جاقىندا جاريالايدى، - دەپ قىسقا قايىردى سەرىك جۇمانعارين Kazinform اگەنتتىگىنىڭ پودكاستىنا بەرگەن سۇحباتىندا.
ايتا كەتەيىك، 9-ساۋىردە ءماجىلىس سالىق كودەكسىنىڭ جاڭا جوباسىن ءبىرىنشى وقىلىمدا ماقۇلدادى.
سالىق كودەكسىنىڭ جاڭا جوباسى بويىنشا سالىق ەسەبىن تاپسىراتىندار سانى 30 پايىزعا قىسقارادى.
ەسكە سالساق، قوسىلعان قۇن سالىعى سالىناتىن اينالىمنىڭ تومەنگى شەگى 40 ميلليون تەڭگە بولادى.
سونداي-اق سەرىك جۇمانعارين كورپوراتيۆتىك تابىس سالىعىنىڭ مولشەرلەمەسى وسەتىن سالالاردى اتادى.
