قازاقستاندا تاۋارلىق گازدىڭ بولشەك باعاسىنا مەملەكەتتىك باقىلاۋ كۇشەيتىلدى

Qazaq Gaz ۇلتتىق كومپانياسى، ونىڭ ەنشىلەس ۇيىمدارى مەن ىشكى جانە سىرتقى تۇتىنۋشىلارعا باعا قالىپتاستىرۋ پروتسەستەرىنە جۇرگىزىلگەن مەملەكەتتىك اۋديت بارىسىندا زاڭنامالىق ولقىلىق انىقتالعان بولاتىن.

- اۋديتورلار گاز تاراتۋ كومپانيالارى ارقىلى گازدىڭ بولشەك ساۋدادا ساتىلۋى مەملەكەتتىك باعا رەتتەۋىنە جاتپايتىنىن انىقتادى. زاڭعا سايكەس، ولاردىڭ قىزمەتى 2017 -جىلدىڭ قاڭتارىنان كەيىن باستالعان. سونىڭ ناتيجەسىندە بۇل ۇيىمدارعا «Qazaq Gaz» ا ق- دان تاۋارلىق گازدى ساتىپ الىپ، ونى قىمبات باعامەن قايتا ساتۋ ارقىلى دەلدالدىق قىزمەتتەن تابىس تابۋ مۇمكىندىك بولدى، - دەلىنگەن حابارلامادا.

وسىعان بايلانىستى ءبىرىڭعاي ءتاسىلدى قامتاماسىز ەتۋ ماقساتىندا ق ر ۇكىمەتىنە كاسىپكەرلىك كودەكسىنە ءتيىستى وزگەرىستەر مەن تولىقتىرۋلار ەنگىزۋ ماسەلەسىن قاراستىرۋ ۇسىنىلدى.

ناتيجەسىندە قاجەتتى تۇزەتۋلەر ەنگىزىلدى. 2025 -جىلدىڭ 1-قاڭتارىنان باستاپ تاۋارلىق گازدىڭ بولشەك ساۋداداعى باعاسىن مەملەكەتتىك رەتتەۋ گاز تاراتۋ كومپانيالارىن قوسا العاندا، بارلىق نارىق سۋبەكتىلەرىنە قاتىستى بولادى.

بۇعان دەيىن حابارلانعانداي، پارلامەنت ءماجىلىسىنىڭ جالپى وتىرىسىندا راحىمجان مىرزاحان ۇلى دىلدايەۆ جوعارى اۋديتورلىق پالاتانىڭ مۇشەسى قىزمەتىنە تاعايىندالعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى