قازاقستاندا سىم تەلەفون قولداناتىن 2,1 ميلليون ابونەنت قانا قالدى
استانا. KAZINFORM - بايلانىس قىزمەتىنىڭ كولەمى وتكەن جىلى 7,1 پايىز ءوستى، دەپ حابارلايدى ۇلتتىق ستاتبيۋرو.
2023-جىلدىڭ قاڭتار-جەلتوقسان ايلارىندا بايلانىس قىزمەتتەرىنىڭ كورسەتىلگەن كولەمى 1,2 تريلليون تەڭگەدەن استى، بۇل 2022-جىلدىڭ سايكەس كەزەڭىمەن سالىستىرعاندا 7,1 پايىزعا ارتىق.
نەگىزگى بايلانىس قىزمەتتەرى:
ينتەرنەت جەلىسىنىڭ قىزمەتتەرى - 556,7 ميلليارد تەڭگەگە (ءوسىم -16,2 پايىز)
ۇيالى بايلانىس قىزمەتتەرى — 259,7 ميلليارد تەڭگەگە (ءوسىم — 4,1 پايىز)
باسقا تەلەكوم قىزمەتتەر — 247,3 ميلليارد تەڭگەگە (ءوسىم — 3,9 پايىز)
2023-جىلعى قاڭتار-جەلتوقساندا تىركەلگەن تەلەفون جەلىلەرىنىڭ سانى 5,6 پايىز قىسقارىپ، 2,1 ميلليون بولدى.
ۇيالى بايلانىس ابونەنتتەرىنىڭ سانى 12 ايدا 0,7 پايىز ءوستى.
2023-جىلدىڭ قورىتىندىسى بويىنشا قازاقستاندا بارلىعى 25,2 ميلليون ۇيالى بايلانىس ابونەنتى بار.
تۇراقتى ينتەرنەتتى 3 ميلليون ابونەنت پايدالانادى (ءوسىم 5,9 پايىز).
