قازاقستاندا قىلمىس جاساعانداردىڭ كوبى قاي ەلدەرگە جاسىرىنادى؟
استانا. KAZINFORM – ءى ءى م قازاقستاندىق قىلمىسكەرلەر قانداي ەلدەردەن تابىلعانىن ايتتى.
قازاقستان ءى ءى م ينتەرپول ۇلتتىق ورتالىق بيۋروسى ارقىلى ەلىمىزدىڭ قۇقىق قورعاۋ جانە ۋاكىلەتتى ورگاندارىنىڭ باستاماسىمەن حالىقارالىق ىزدەۋدە جۇرگەن 110 نان اسا قىلمىسكەر مەن جوعالىپ كەتكەن ازاماتتار شەتەلدە تابىلدى.
2024-جىلى ينتەرپولدىڭ بايلانىس ارنالارىنىڭ گەوگرافياسى كەڭەيتىلدى. ىزدەۋدە جۇرگەندەر رەسەي، تۇركيا، ب ا ءا، قىتاي، وڭتۇستىك كورەيا، پولشا، ا ق ش، گرۋزيا، ارمەنيا، ءازىربايجان، يسپانيا، ۇلى بريتانيا، چەحيا، شۆەتسيا، ۋكراينا، گەرمانيا، كولۋمبيا، يزرايل، بەلگيا، گرەتسيا، يتاليا، دومينيكان رەسپۋبليكاسى، ليتۆا، قىرعىزستان، وزبەكستان ەلدەرىندە انىقتالىپ، قۇرىقتالدى.
قىلمىسكەرلەر كوبىنە الاياقتىق، بوتەن مۇلىكتى تالان-تاراجعا سالۋ جانە ىسىراپ ەتۋ، ەسىرتكىمەن بايلانىستى قىلمىستار، سىبايلاس جەمقورلىق، قاراقشىلىق، ەكونوميكالىق كونتراباندا، زاڭسىز ويىن بيزنەسى مەن سالىق تولەۋدەن جالتارۋ سياقتى ەكونوميكالىق قىلمىستار جانە ۇرلىق ءۇشىن ىزدەۋدە بولعان.
