قازاقستاندا قۇنى پاتەر باعاسىمەن بىردەي القا ساتىلىمعا شىعارىلدى
قازاقستاندا اكتيۆتەردى قايتارۋ ناۋقانى اياسىندا تاركىلەنگەن ەكسكليۋزيۆ زەرگەرلىك بۇيىمداردى ساتۋ جالعاسىپ جاتىر. ولاردىڭ اراسىندا قۇنى 55 ميلليون تەڭگەگە باعالانعان Van Cleef Arpels القاسى بار.
اق التىننان (750 سىناما) جاسالعان، سالماعى 16,92 كارات گاۋھارتاسپەن كومكەرىلگەن القانىڭ باستاپقى باعاسى 46 ميلليون تەڭگەدەن اسادى. ساتىپ الۋشى 7 ميلليون تەڭگە كولەمىندە كەپىلدىك جارنا سالۋعا ءتيىس. ساۋدا اۋكسيون فورماتىندا، باعانى كوتەرۋ تاسىلىمەن وتەدى. زەرگەرلىك بۇيىمنىڭ قۇنى 55 ميلليون تەڭگەدەن اسادى. ساتىلىم 23 - ساۋىردە باستالادى جانە e-qazyna.kz ەلەكترون پلاتفورماسىندا وتەدى.
الداعى اۋكسيوندا 61 زەرگەرلىك بۇيىم ساتىلىمعا قويىلادى. بۇل اشەكەيلەر زاڭسىز بايىدى جانە اقشانى شەتەلگە شىعاردى دەگەن كۇدىككە ىلىنگەن ادامداردان تاركىلەنگەن. ەسىمدەرى اتالماعانىمەن، اڭگىمە بۇرىنعى شەنەۋنىكتەر مەن كاسىپكەرلەر تۋرالى بولۋى مۇمكىن.
«بۇل ساۋدانىڭ ماقساتى - قايتارىلعان اكتيۆتەردى ءتيىمدى پايدالانۋ، قىزىعۋشىلىق تانىتقان قاتىسۋشىلارعا ەكسكليۋزيۆ زەرگەرلىك بۇيىمداردى ساتىپ الۋ مۇمكىندىگىن بەرۋ»، - دەدى قايتارىلعان اكتيۆتەردى باسقارۋ كومپانياسى وكىلى.
Massaget.kz
