قازاقستاندا قار مەن جاڭبىر جيىلەپ، تۇمان مەن بوران سيرەي باستاعان

- كەيىنگى 17 جىلدا (2006-2023 ج ج.) 1990-2006-جىلداردىڭ ارالىعىنداعى كەزەڭمەن سالىستىرعاندا قالىڭ قار 1,8 ەسە، بۇرشاق پەن قاتتى جەل 1,6 ەسە، قاتتى جاڭبىر 1,4 ەسە ءوستى. ال قاتتى تۇمان %43 عا، قاتتى بوران %19 ازايدى، - دەپ جازىلعان ۇلتتىق باياندامادا.

«قازگيدرومەت» رەسپۋبليكالىق مەملەكەتتىك كاسىپورنىنىڭ دەرەگى بويىنشا 2023-جىلى ەل اۋماعىندا تىركەلگەن تابيعي قۇبىلىستار 2022-جىلمەن سالىستىرعاندا 71 گە كوپ بولعان.

- «قازگيدرومەت» ر م ك گيدرومەتەورولوگيالىق ورتالىعى رەسپۋبليكا اۋماعىندا اۋا رايىنىڭ كەنەتتەن وزگەرۋى جانە ءقاۋىپتى تابيعي مەتەورولوگيالىق قۇبىلىستار تۋرالى 81 ەسكەرتۋ جاسادى.2023-جىلى جىلدامدىعى 30 م/س كورسەتكىشىنەن اساتىن 146 قاتتى جەل تىركەلدى. ەڭ ءجيى كۇشتى جەلدەر جەتىسۋ، سولتۇستىك قازاقستان، جامبىل جانە الماتى وبلىستارىندا بايقالدى، - دەپ جازادى مينيسترلىك ماماندارى.

سولاردىڭ ىشىندە جەتىسۋ وبلىسىندا 36 ساعات بويى 45 م/س جىلدامدىقپەن سوققان جەل ەڭ ۇزاق قۇبىلىس بولىپ بەلگىلەنگەن.

- مۇنداي جەلدىڭ سالدارى ەلەكتر قۋاتىنىڭ ءوشۋى، جولدىڭ جابىلۋى، شاتىر جابىندارىنىڭ جىرتىلۋى، اعاش بۇتاقتارىنىڭ سىنۋى، كولىكتەردىڭ زاقىمدانۋى، ءبىلىم بەرۋ ۇيىمدارىندا ساباقتىڭ توقتاتىلۋىنا اكەلىپ سوقتى، - دەلىنگەن قۇجاتتا.

وسىعان دەيىن استانا-تالدىقورعان باعىتىنداعى ۇشاق اۋا رايىنىڭ قولايسىزدىعىنا بايلانىستى ۇشپاي قالعانى تۋرالى جازدىق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى