قازاقستاندا قانشا مۇعالىم بار

بۇل كۇن دۇنيەجۇزىلىك مۇعالىمدەر كۇنىمەن سايكەستەندىرىلگەن. مەرەكە ەڭ اسىل، جاۋاپتى ءارى ماڭىزدى ماماندىق وكىلدەرىن بىرىكتىرەدى.

بۇل كۇنى ەلوردادا پەداگوگتەردىڭ رەسپۋبليكالىق سەزى وتەدى. وعان ەلىمىزدىڭ بارلىق ايماقتارىنان 700 گە جۋىق ۇستاز قاتىسادى.

كەزدەسۋ الاڭىندا پەداگوگتەر ەڭ وزىق جانە حالىقارالىق تاجىريبەسىن بولىسە الادى.

ايتا كەتەيىك، بۇگىندە قازاقستاننىڭ ءبىلىم بەرۋ سالاسىندا 500 مىڭعا جۋىق مەكتەپكە دەيىنگى، ورتا، تەحنيكالىق جانە كاسىپتىك ءبىلىم بەرۋ پەداگوگى جۇمىس ىستەيدى.

مەملەكەت باسشىسىنىڭ قولداۋىمەن 2019 -جىلى ماڭىزدى ماسەلەنىڭ ءبىرى - پەداگوگ ماماندىعىنا ەرەكشە مارتەبە بەرۋ جونىندە شەشىم قابىلداندى.

ءتورت جىل ىشىندە پەداگوگتەردىڭ جالاقىسى ەكى ەسە ءوستى.

220 مىڭعا جۋىق مۇعالىمگە تاعايىندالعان ساناتىنا قاراي 50 پايىزعا دەيىن ۇستەمەاقى تولەنىپ وتىر.

وندىرىستەن قابىلدانعان تەحنيكالىق جانە كاسىپتىك ءبىلىم بەرۋ پەداگوگتەرى جالاقىسىنا 35 پايىزعا دەيىن قوسىمشا اقى الادى.

وسى جىلدىڭ قىركۇيەك ايىنان باستاپ 97 مىڭ مۇعالىمنىڭ جالاقىسى تاعى 30 پايىزعا ءوستى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى