قازاقستاندا قانشا بالا ۇيىرمە مەن سەكسيالارعا بارادى

وقۋ- اعارتۋ ۆيتسە- ءمينيسترى ەدىل وسپاننىڭ ايتۋىنشا، 2025 -جىلعا قاراي مەكتەپ سپورت سەكسيالارىندا بالالاردى قامتۋ سانىن % 50 دەيىن جەتكىزۋ جوسپارلانىپ وتىر.

«وقۋشىلاردىڭ 3 ميلليوننان استامى نەمەسە % 81 قوسىمشا بىلىممەن قامتىلعان، بۇل بالاعا ونەرگە، سپورتقا، مۋزىكاعا نەمەسە عىلىمعا دەگەن قىزىعۋشىلىقتى ارتتىرۋعا، شىعارماشىلىق قابىلەتتەرىن دامىتۋعا، قوسىمشا ءبىلىم، بىلىك جانە داعدىلاردى يگەرۋگە مۇمكىندىك بەرەدى. پرەزيدەنت تاپسىرماسىمەن بالالاردى ساۋىقتىراتىن 50 ورتالىق اشىلىپ جاتىر، 37 وقۋشىلار سارايى مەن 63 ونەر مەكتەبى سالىنۋدا»، - دەدى ەدىل وسپان ورتالىق كوممۋنيكاتسيالار قىزمەتىندە وتكەن بريفينگتە.

بيىل اۋىل مەكتەپتەرىندە مەكتەپتەن تىس قوسىمشا ءبىلىم بەرۋ بويىنشا 300 ورتالىق اشىلدى. 2025 - جىلعا دەيىن ءدال وسىنداي 1000 ورتالىق اشىلادى.

«سونىمەن بىرگە ەرەكشە قاجەتتىلىگى بار 188 مىڭ بالا ءۇشىن پسيحولوگيالىق- پەداگوگيكالىق تۇزەتۋ كابينەتتەرىنىڭ سانى 210-عا دەيىن ارتتى. پسيحولوگيالىق- مەديتسينالىق- پەداگوگيكالىق كونسۋلتاتسيالار سانى 89-عا جەتتى. 2029 -جىلعا قاراي تاعى 34 كونسۋلتاتسيا، 26 تۇزەتۋ كابينەتى، 200 ينكليۋزيانى قولداۋ كابينەتىن اشۋ جوسپارلانعان. بۇگىنگى كۇنى 10 مەملەكەتتىك ورتالىق جانە 640 ينكليۋزيۆتى قولداۋ كابينەتى اۋتيزمى بار بالالارعا بەلسەندى تۇردە كومەك كورسەتۋدە»، - دەدى وقۋ- اعارتۋ ۆيتسە- ءمينيسترى.

ايتا كەتەيىك، جىل سايىن 20 - قاراشادا الەم قاۋىمداستىعى ب ۇ ۇ باس اسسامبلەياسىنىڭ ۇسىنىسىمەن دۇنيەجۇزىلىك بالالاردى قورعاۋ كۇنىن اتاپ وتەدى. قازىرگى ۋاقىتتا حالقىمىزدىڭ ۇشتەن بىرىنەن استامى - بالالار.

اۆتور

ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى