قازاقستاندا نەگە ەرلەر ايەلدەرگە قاراعاندا 4 ەسە كوپ ولەدى؟
ەلىمىزدە ەرلەردىڭ ءولىمى كوبىنە نەدەن بولادى؟ ەكونوميكالىق زەرتتەۋلەر ينستيتۋتى بىرنەشە سەبەبىن اتادى.
ەكونوميكالىق زەرتتەۋلەر ينستيتۋتى مالىمەتىنشە، ساناق ناتيجەلەرى ەلدەگى ەرلەر سانى 38 جاسقا دەيىن باسىم بولاتىنىن كورسەتتى، وسى جاستان باستاپ ەرلەر سانى تۇراقتى تۇردە ازايا باستايدى. مۇنىڭ سەبەبى - ەرلەر ءولىمىنىڭ سالىستىرمالى تۇردە جوعارى بولۋى.
قازاقستاندا ەرلەر مەن ايەلدەردىڭ ءومىر ءسۇرۋ ۇزاقتىعى اراسىنداعى الشاقتىق (ك و ۇ) 2012-جىلى 9,6 جاستان 2022-جىلى 8,1 جاسقا دەيىن قىسقاردى.
«ءولىم سەبەپتەرىنىڭ نەگىزگى كلاستارىنىڭ اراسىندا ەلدەگى ەرلەردىڭ شامادان تىس ءولىم-ءجىتىمى «جازاتايىم وقيعالاردان، ۋلانۋلاردان جانە جاراقاتتاردان» بايقالادى. 2022-جىلعى ستاتيستيكالىق دەرەكتەرگە سايكەس، وسى سەبەپتەن ەرلەردىڭ ءولىم-ءجىتىم كوەففيتسيەنتى (100 000 ادامعا 92,7) ايەلدەر ولىمىنەن (100000 ادامعا 22,8) ءتورت ەسە جوعارى. بۇل رەتتە، وسى سەبەپتەن ەرلەردىڭ ءولىم-ءجىتىم دەڭگەيى سولتۇستىك وڭىرلەردەگى جالپى رەسپۋبليكالىق ماننەن اسىپ تۇسەدى»، - دەلىنگەن حابارلامادا.
ەكونوميكالىق تۇرعىدان العاندا، ەرلەردىڭ، اسىرەسە ەڭبەككە قابىلەتتى جاستاعى شامادان تىس ءولىم-ءجىتىمى، ەڭ الدىمەن، ءۇي شارۋاشىلىقتارىنىڭ ءال-اۋقاتىنا جانە ەڭبەك نارىعىنىڭ جاعدايىنا تەرىس اسەر ەتەدى.
Massaget.kz
