قازاقستاندا ەلەكتروساموكاتتارعا ءنومىر تاعۋ مىندەتتەلۋى مۇمكىن

بۇل تۋرالى ق ر ىشكى ىستەر ءمينيسترىنىڭ ورىنباسارى سانجار ءادىلوۆ ءمالىم ەتتى.

بۇگىن پارلامەنت ماجىلىسىندەگى باسپا ءسوز ءماسليحاتىندا ساموكاتتارعا قاتىستى تالاپتاردى كۇشەيتۋ مۇمكىندىگى جايىندا سۇراق قويىلدى.

- ءبىز ادىلەت مينيسترلىگى جانىنداعى ۆەدومستۆوارالىق جۇمىس توبىنىڭ الاڭىندا ءبىرقاتار قوسىمشا تۇزەتۋ دايىنداپ جاتىرمىز. اتاپ ايتقاندا، شەتەلدە قولدانىلاتىن تاجىريبەنى ەنگىزۋ تۋرالى ۇسىنىس بار. وسى ورايدا شۆەيتساريانىڭ تاجىريبەسىن زەرتتەدىك، ياعني ول جاقتا مەملەكەتتىك نومىرلەر تەك ساموكاتتاردا عانا ەمەس، ۆەلوسيپەدتەردە دە بار. سوندىقتان بۇل نورما مەن ۇسىنىس وتە وزەكتى، - دەدى س. ءادىلوۆ.

ونىڭ ايتۋىنشا، بۇل ۇسىنىس قازىر تالقىلانىپ جاتىر.

بۇعان دەيىن ەلەكتروساموكاتپەن ءجۇرۋ ەرەجەلەرىن كوبىنە جاس وسپىرىمدەر بۇزاتىنىن پوليتسيا حابارلاعان بولاتىن.

جاقىندا ەلەكترو ساموكاتشىلارعا قانداي تىيىم سالىناتىنىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى