قازاقستاندا كيىك اتۋ شاراسى قالاي جۇرەدى
ەكولوگيا جانە تابيعي رەسۋرستار مينيسترلىگى كيىكتەردى اتۋعا رۇقسات بەرىلگەن ايماقتاردى اتادى، دەپ حابارلايدى Kazinform.
«كيىكتەردىڭ پوپۋلياتسياسىن باسقارۋ جونىندەگى بيولوگيالىق نەگىزدەمەگە سايكەس ب ق و، اقمولا، قوستاناي جانە بەتپاقدالا پوپۋلياتسياسى ءۇشىن قاراعاندى وبلىسىنىڭ اۋماعىندا كيىكتەردى اتۋعا رۇقسات بەرىلدى»، - دەلىنگەن اتالعان مينيسترلىكتىڭ Kazinform اگەنتتىگى جولداعان ساۋالىنىڭ جاۋابىندا.
سونداي-اق ۆەدومستۆو قاي جاستاعى كيىكتەردى اتۋعا بولاتىنىن ءتۇسىندىردى.
«بيولوگيالىق نەگىزدەمەگە سايكەس، ورال جانە بەتپاقدالا پوپۋلياتسيالارى ءۇشىن 2023 -جىلعا كيىكتەردى اتۋ %15 دان اسپاۋى كەرەك. ونىڭ ىشىندە ەرەسەك انالىقتارى %50 دان اسپاۋى ءتيىس، جاس تولدەردى اتۋ (ەكى جىنىس بويىنشا دا) بويىنشا %35 دان ارتىق رۇقسات بەرىلمەيدى»، - دەيدى ەكولوگيا مينيسترلىگىنەن.
