قازاقستاندا ەكى جاڭا كاسىبي مەرەكە پايدا بولادى

ياعني ەندى قازاقستاندا ازاماتتىق اۆياتسيا قىزمەتكەرلەرى كۇنى – 1-اقپاندا، بۇرعىلاۋشىلار كۇنى - قاراشانىڭ ءۇشىنشى سەنبىسى تويلانباق.

جوبا پورتالدا 2-قاراشاعا دەيىن تالقىلاۋدا بولادى.

«قازىرگى ۋاقىتتا تۇراقتى اۋە تاسىمالدارىن ورىندايتىن اۋەجايلار مەن اۆياكومپانيالاردىڭ، سونداي- اق اەروناۆيگاتسيالىق قىزمەت كورسەتۋدى جەتكىزۋشىلەردىڭ ءوز قۇرىلىمىندا ازاماتتىق اۆياتسيانى زاڭسىز ارالاسۋ اكتىلەرىنەن قورعاۋدى قامتاماسىز ەتەتىن تەحنيكالىق قۇرالدارمەن جانە كادرلىق قۇراممەن جابدىقتالعان، ەڭ كوپ قىزمەت بولىپ تابىلاتىن 3000 نان استام ماماننان تۇراتىن ءبىرتۇتاس قۇرىلىم بولىپ تابىلاتىن ا ق ق بار.

الايدا، بۇگىنگى كۇنى اۆياتسيالىق قاۋىپسىزدىك قىزمەتىنىڭ قىزمەتكەرلەرى وزدەرىنىڭ كاسىبي مەرەكەلەرىن اتاپ وتۋگە جانە وسىلايشا مۇنداي مەرەكەنىڭ بولماۋىنا بايلانىستى كاسىبي قوعامداستىقتىڭ ءبىرىڭعاي اۆياتسيا سالاسىنا جاتاتىندىعىن سەزىنۋگە مۇمكىندىگى جوق» - دەلىنگەن جوبادا.

سونىمەن قاتار، كەز كەلگەن كەن ورنىن اشۋ جانە پايدالى قازبالاردى ءوندىرۋ ءۇشىن، ەڭ الدىمەن، بارلاۋ جانە پايدالانۋ بۇرعىلاۋ قاجەت. بۇرعىلاۋشىلاردىڭ جۇمىسى جاڭا ۋچاسكەلەردە-زياندى جانە قاۋىپتى جاعدايلاردا ءوندىرىستىڭ دالالىق، جەراستى جانە جەر ءۇستى جاعدايلارىندا جۇمىستاردىڭ كۇردەلىلىگىمەن ەرەكشەلەنەتىنى اتاپ وتىلگەن.

«سوندىقتان گەولوگتار مەن مۇنايشىلاردىڭ دا، بۇرعىلاۋشىلاردىڭ دا ەڭبەگىنە قۇرمەت كورسەتۋ، قازاقستاننىڭ كاسىبي مەرەكەلەرىنىڭ تىزىمىندە بۇرعىلاۋشىلار كۇنىن اتاپ ءوتۋ جانە وسىنداي كۇردەلى كاسىپ قىزمەتكەرلەرىن قۇرمەتتەۋدىڭ جاڭا ءداستۇرىن ەنگىزۋ ورىندى»، - دەلىنگەن حابارلامادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى