قازاقستاندا كوروناۆيرۋسقا قارسى ۆاكسينا كىمدەرگە ەگىلىپ جاتىر

«ەلىمىزدىڭ بارلىق ايماقتارىندا حالىقتى تۇماۋعا قارسى يممۋنداۋ جالعاسىپ جاتىر. رەسپۋبليكادا مەديتسينالىق كومەكتىڭ كەپىلدىك بەرىلگەن كولەمى اياسىندا تۇماۋعا قارسى يممۋنداۋ ءۇشىن رەسەي فەدەراتسياسىنىڭ «ن پ و پەتروۆاكسفارم» شىعارعان «گريپپول+» تۇماۋعا قارسى ۆاكسيناسى ەگىلىپ جاتىر»، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.

سونىمەن قاتار ۆەدومستۆو ەلىمىزدە كوروناۆيرۋسقا قارسى ۆاكسينا سالۋ قاراستىرىلعانىن حابارلادى.

«قازىرگى كەزدە كوروناۆيرۋس ينفەكسياسىنا قارسى يممۋنداۋ ىندەتتىڭ اسقىنۋىنا بولدىرماۋعا مۇمكىندىك بەرەتىنى راستالدى. مۇنىمەن قوسا، دۇنيەجۇزىلىك دەنساۋلىق ساقتاۋ ۇيىمى ك ۆ ي-دى جۇقتىرۋ قاۋپى جوعارى ادامدارعا، مەديتسينا قىزمەتكەرلەرىنە، ك ۆ ي اۋرۋى كەزىندە تاۋەكەل توبىنا جاتاتىن سوزىلمالى اۋرۋلارى بار ادامدارعا جانە ەگدە جاستاعى ادامدارعا كوروناۆيرۋسقا قارسى رەۆاكسيناتسيالاردى جۇرگىزۋدى جالعاستىرۋدى ۇسىندى. بۇل تۇرعىدا رەسپۋبليكادا ك ۆ ي-عا قارسى حالىقتى ۆاكسيناتسيالاۋدى جانە رەۆاكسيناتسيالاۋدى ۇيىمداستىرۋ ءارى ىسكە اسىرۋ جالعاسىپ جاتىر»، - دەپ اتالىپ وتكەن دەنساۋلىق ساقتاۋ مينيسترلىگى اقپاراتىندا.

اتاپ ايتقاندا، قازىر ءبىرىنشى دوزا 10,8 ميلليوننان استام ادامعا ەگىلدى. بۇل رەتتە، قامتىلۋى ءتيىستى كونتينگەنتتىڭ 81,2 پايىزىن قۇرادى. 2-دوزا بويىنشا 10,6 ميلليوننان استام ادامعا ۆاكسينا سالىندى.

«ك ۆ ي-گە قارسى العاشقى رەۆاكسيناتسيانى 5,8 ميلليون ادام نەمەسە قامتىلۋى ءتيىس ادامداردىڭ 71,2 پايىزى، قايتا رەۆاكسيناتسيانى 1,5 ميلليون ادام نەمەسە قامتىلۋى ءتيىس تۇرعىنداردىڭ 59,6 پايىزى الدى. بيىلعى قازان ايىنىڭ باسىنداعى جاعداي بويىنشا ك ۆ ي-گە قارسى ۆاكسينانىڭ 215 مىڭ دوزاسى بولدى (Vero cell (Sinopharm) - 149 مىڭ، «Comirnaty وريگينال/Omicron BA.4/5» (Pfizer/BioNTech) - 66 مىڭ)»، - دەلىنگەن مينيسترلىك حابارلاماسىندا.

بۇدان بۇرىن حابارلانعانداي، بيىل قىركۇيەك ايىندا مينيستر اجار عينيات قاريالارعا كوروناۆيرۋسقا قارسى ەگىلۋگە كەڭەس بەردى.

ەلدەگى كوروناۆيرۋستىڭ تارالۋى بىلتىرعىدان الدەقايدا تومەن.

اۆتور

رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى