قازاقستاندا كولىك 12-17 پايىزعا قىمباتتاۋى مۇمكىن
Freedom Finance Global تالداۋشىسى اڭسار ابۋيەۆ 2024-جىلى اۆتوكولىكتەردىڭ باعاسى قانشا پايىزعا قىمباتتايتىنىن ايتتى.
ساراپشىنىڭ سوزىنشە، جەڭىل كولىكتەردىڭ باعاسى كەيىنگى 10 جىلدا بولماعان باعاعا جەتكەن.
«ۇلتتىق ستاتيستيكا بيۋروسىنىڭ مالىمەتىنشە، 2023-جىلعى 1- قىركۇيەكتەگى جاعداي بويىنشا قازاقستاندا 5,09 ميلليون اۆتوكولىك تىركەلگەن. ولاردىڭ 4,47 ميلليونى - جەڭىل اۆتوموبيل. جىل باسىنان بەرى جەڭىل اۆتوكولىكتەر 14,4 پايىزعا ءوستى (باعاسى - ەسك.)، بۇل - كەيىنگى 10 جىلداعى ەڭ جوعارى ناتيجە»، - دەدى اڭسار ابۋايەۆ.
ونىڭ پايىمداۋىنشا، كولىك باعاسى بيىل تاعى دا 12-17 پايىزعا وسەدى.
«ءبىز ساراپشىلار مەن تۇرعىنداردان اۆتونارىق تۋرالى ساۋالناما جۇرگىزدىك. ساراپشىلار كولىك باعاسى 10-20 پايىزعا وسەتىنىن بولجاپ وتىر. ال ءبىزدىڭ بولجام: 2023-جىلى ەلدەگى ينفلياتسيانىڭ 9,8 پايىزعا دەيىن تۇسكەنىن ەسكەرە وتىرىپ، كولىك باعاسى 12-17 پايىزعا وسەدى. ونىڭ باستى فاكتورى رەتىندە قىتاي نارىعىنا نەگىزدەلگەن سۇرانىستىڭ ساقتالۋىن ايتا الامىز»، - دەدى ساراپشى.
سونىمەن قاتار، ابۋوۆ ەلىمىزدە الداعى ۋاقىتتا قىتاي كولىكتەرىنىڭ قاراسى كوبەيەتىنىن ايتتى.
«2023-جىلى قاڭتار-تامىز ايلارىندا قازاقستانداعى جاڭا جەڭىل اۆتوكولىكتەردىڭ ساتىلىمى 120,3 مىڭ بىرلىككە جەتتى. بۇل 2022-جىلدىڭ سايكەس كەزەڭىمەن سالىستىرعاندا 60,5 پايىزعا كوپ. ءبىزدىڭ زەرتتەۋمىز بويىنشا بىلتىر ءاربىر ساتىلعان 4 -كولىك - قىتايدىڭ كولىگى. ياعني، قازاقستانداعى قىتاي كولىكتەرىنىڭ ساتىلىمى وسە بەرەدى»، - دەيدى ول.
Massaget.kz
