قازاقستاندا كارانتيندىك قاۋپى جوعارى ىندەت ءتۇرى كوبەيگەن

سونىڭ ىشىندە جەمىستەردىڭ باكتەريالىق كۇيىگى، ا ق ش- تىڭ اق كوبەلەگى دەگەن وسىمدىك ىندەتى بار. ال بيىل كارانتيندىك ونىمدەردى يمپورتتاۋعا قاتىستى 1,5 مىڭعا جۋىق زاڭبۇزۋشىلىق انىقتالدى. جالپى ەلدە 77 فيتوسانيتاريالىق باقىلاۋ بەكەتى جۇمىس ىستەيدى، ونىڭ 32 ءسى سىرتقى جانە 45 ءى ىشكى باقىلاۋ. وسىعان بايلانىستى قازاق وسىمدىك قورعاۋ جانە كارانتين عىلىمي- زەرتتەۋ ينستيتۋتى ەلدەگى فيتوسانيتاريالىق قاۋىپسىزدىككە قاتىستى الاڭداۋشىلىق ءبىلدىردى. ينستيتۋت"وسىمدىكتەردى قورعاۋ" جانە "وسىمدىكتەر كارانتينى تۋرالى" زاڭداردى وزەكتەندىرۋ، سونداي- اق كارانتيندىك جانە اسا قاۋىپتى زياندى ورگانيزمدەردىڭ ءبىرىڭعاي تىزبەسىن قايتا قاراۋدى ۇسىندى. ءماجىلىستىڭ اگرارلىق ماسەلەلەر جونىندەگى كوميتەتىنىڭ وتىرىسىندا سالاداعى وزگە دە وزەكتى ماسەلەلەر تالقىلاندى. سونىڭ ءبىرى عىلىمي جوبالاردى قولدانىسقا ەنگىزۋدەگى كەدەرگىلەر.

سەرىك ەگىزبايەۆ، ق ر پارلامەنتى ءماجىلىسىنىڭ اگرارلىق ماسەلەلەر كوميتەتىنىڭ ءتوراعاسى:

- كوپتەگەن عالىمداردىڭ زەرتتەپ شىعارىپ جاتقان شىعارمالارى بار عىلىمي، ال ونىدىرىسكە ءالى ەنگىزىلگەن جوق. نەگە دەپ سۇراعاندا، «ەكى جىلعا دەيىن ءبىز قاعازدار جيناپ ءجۇرۋىمىز كەرەك» دەيدى. بيۋروكراتيا بار. شەتەلدەگى عالىمدار دا بىزگە قىزىعۋشىلىق ءبىلدىرىپ جاتىر دەيدى. ال ءبىزدىڭ ەلىمىزدە ءۇش ەسە ارزان تەحنولوگيالاردى ەندىرۋ ءۇشىن بىزدە كەم دەگەندە ەكى جىل قاعاز جيناپ ءجۇرۋىمىز كەرەك. بۇلار دەپۋتاتتاردان وسى كومەكتى سۇراپ وتىر. مۇنى جوندەۋ كەرەك. سول ءۇشىن دە جينالىپ وتىرمىز.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى