قازاقستاندا جەمقورلار ءتىزىمىن جاريالايتىن پورتال ىسكە قوسىلدى

سىبايلاس جەمقورلىققا قارسى ءىس-قيمىل اگەنتتىگى «ۇلتتىق اقپاراتتىق تەحنولوگيالار» ا ق-مەن بىرلەسىپ، سىبايلاس جەمقورلىققا قارسى جاريا پورتالدى ىسكە قوستى. پورتال سىبايلاس جەمقورلىققا قارسى ءىس-قيمىل تۋرالى اقپاراتتى ءبىر رەسۋرستا جۇيەلەۋگە ارنالعان.

- سىبايلاس جەمقورلىققا قارسى ءىس-شارالارمەن كەز كەلگەن ادام تانىسا الادى. سونداي-اق پورتالدى پايدالانۋشىلار وزدەرىن قىزىقتىراتىن، ونلاين تەستىلەۋ جانە سەرتيفيكات الۋ مۇمكىندىگى بار وقۋ كۋرستارىن تابا الادى. الەۋمەت تانۋلىق زەرتتەۋلەرگە ەرەكشە كوڭىل بولىنەدى. سۇراقنامادان ءوتۋ مۇمكىندىگى كوزدەلگەن. ونىڭ ناتيجەلەرى سىبايلاس جەمقورلىققا قارسى شارالاردى تۇزەتۋ جانە ولاردىڭ تيىمدىلىگىن باعالاۋ ءۇشىن پايدالانىلاتىن بولادى. سونداي-اق مۇندا Transparency International حالىقارالىق ۇيىمىنىڭ جىل سايىنعى زەرتتەۋ ناتيجەلەرى جانە سىبايلاس جەمقورلىقتى جويۋ يندەكسىندەگى قازاقستاننىڭ پوزيتسياسى قولجەتىمدى، - دەلىنگەن حابارلامادا.

سونداي-اق پروفيلاكتيكالىق جۇمىستى كۇشەيتۋ ماقساتىندا، رەسۋرس ىشىندە «سىبايلاس جەمقورلىق كارتوگرامماسى» بار.

- ول جەردە سىبايلاس جەمقورلىق تاۋەكەلدەرىنە شالدىققان لاۋازىمدار ءتىزىمى جانە مەملەكەتتىك ورگاندار مەن وڭىرلەر بويىنشا سىبايلاس جەمقورلىق تاۋەكەلدەرىنىڭ كارتاسى قامتىلعان. جۇمىس ىستەپ جۇرگەن ۆولونتەرلەر مەن ۇيىمدار تۋرالى اقپارات بەرەتىن ۆولونتەرلىك قىزمەتكە ارنالعان ءبولىم سونداي-اق پورتالدىڭ ماڭىزدى ەلەمەنتى. نيەت بىلدىرۋشىلەر ەرىكتى رەتىندە كانديداتۋرانى قاراۋ ءۇشىن ساۋالناما جولداي الادى، - دەيدى اگەنتتىكتەن.

ودان بولەك، جاڭا پورتالدا سىبايلاس جەمقورلىققا قارسى مادەنيەتتى قالىپتاستىرۋعا، لايىقتى مىنەز-قۇلىقتى تاربيەلەۋگە جانە قوعامدا «زاڭ مەن ءتارتىپ» يدەولوگياسىن قالىپتاستىرۋعا باعىتتالعان بەينەروليكتەر ورنالاستىرىلعان.

- سونىمەن قاتار، سىبايلاس جەمقورلىق تۋرالى حابارلاۋعا دا مۇمكىندىك بار. اگەنتتىك بارلىعىن سىبايلاس جەمقورلىققا قارسى پورتالعا كىرۋگە شاقىرادى. ول تۇراقتى تۇردە وزەكتى اقپاراتپەن تولىقتىرىلىپ وتىرادى. سىلتەمە اگەنتتىكتىڭ رەسمي سايتىندا جانە مەملەكەتتىك ورگانداردىڭ ينتەرنەت- رەسۋرستارىنىڭ GOV. KZ ءبىرىڭعاي پلاتفورماسىندا قولجەتىمدى، - دەپ حابارلايدى انتيكور.

ەسكە سالا كەتەيىك، وتكەن جىلى سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى اسحات جۇماعالي Kazinform اگەنتتىگىنە ەكسكليۋزيۆتى سۇحبات بەرىپ، جەمقورلار ءتىزىمى، اكتيۆتەردى قايتارۋ، زاڭسىز كۋالىكتەرگە قاتىستى تولىققاندى اقپارات بەرگەن ەدى.

اۆتور

داۋلەت ىزتىلەۋ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى