قازاقستاندا جۇك تاسيتىن اۋە كومپانياسى اشىلۋى مۇمكىن
استانا. قازاقپارات - SCAT اۋە كومپانياسى جۇك تاسىمالدايتىن كومپانيا اشۋدى جوسپارلاپ وتىر. بۇل تۋرالى كولىك ۆيتسە- ءمينيسترى تالعات لاستايەۆ ءمالىم ەتتى.
- جالپى بۇل تاپسىرما بۇعان دەيىن دە بىرنەشە رەت ايتىلدى، بۇگىن تاعى قوزعالدى. تاسىمالدى جەتىلدىرۋ ءۇشىن اۋە جۇك كومپانياسى كەرەك. قازىر گەوساياسي جاعدايدى ەسكەرسەك، رەيستەردىڭ ءبىر بولىگى قازاقستان ارقىلى ۇشادى، ياعني العىشارت قالىپتاستى. ەندى پرەمەر- مينيستر بۇل جۇمىستى جەدەلدەتۋدى تاپسىرىپ وتىر. وسى ورايدا SCAT اۋە كومپانياسىنىڭ جۇك اۆياكومپانياسىن اشۋ جوسپارىندا بار، - دەپ قىسقا قايىردى تالعات لاستايەۆ ۇكىمەت وتىرىسىنان كەيىن وتكەن باسپا ءسوز ءماسليحاتىندا.
وسىلايشا كولىك ءمينيسترىنىڭ ورىنباسارى وتاندىق اۋە جۇك تاسىمالى كومپانياسىن اشۋ جۇمىسىنىڭ قولعا الىناتىنىن ايتىپ وتىر.
ەسكە سالا كەتسەك، بىلتىر قازاقستاندا العاش رەت اۋە جۇكتەرى جانە لوگيستيكا بويىنشا ايماقتىق TIACA فورۋمى ءوتتى.
ايتا كەتسەك، ەلىمىزدە اۋە سالاسىنا جاساندى ينتەللەكت ەنگىزۋ جوسپارلانىپ وتىر.
