قازاقستاندا جۇك كولىكتەرىنىڭ قوزعالىسى شەكتەلەدى

1-ناۋرىزدان باستاپ مۇنداي ەرەجەلەر 8 وبلىستاعى تراسسالاردا قولدانىلاتىن بولادى. اتاپ ايتقاندا، الماتى، اتىراۋ، جامبىل، ۇلىتاۋ، قىزىلوردا، ماڭعىستاۋ، جەتىسۋ جانە تۇركىستان وبلىستارى «بەسىنشى جول-كليماتتىق ايماققا» كىرەدى.

اتالعان ۋاقىتشا شەكتەۋ شارالارى 1-ناۋرىزدان 1-ساۋىرگە دەيىن قولدانىلادى، دەلىنگەن كولىك مينيسترلىگى تاراتقان اقپاراتتا. شەكتەۋ شارالارى جۇكتەردى جانە جولاۋشىلاردى حالىقارالىق تاسىمالداۋدى جۇزەگە اسىراتىن، توتەنشە جاعدايلاردىڭ الدىن الۋ جانە جويۋ جونىندەگى ءىس-شارالارعا تارتىلعان، زارداپ شەككەندەرگە گۋمانيتارلىق كومەك، ازىق-تۇلىك، باگاج، ءدارى-دارمەك تاسىمالداۋدى جۇزەگە اسىراتىن، سونداي-اق جول-قۇرىلىس جۇمىستارىمەن اينالىساتىن اۆتوكولىك قۇرالدارىنا قاتىستى قولدانىلمايدى.

وسىنداي شەكتەۋلەر 23-ناۋرىز بەن 1-مامىر ارالىعىندا اقمولا، اقتوبە، اباي، شىعىس قازاقستان، باتىس قازاقستان، قاراعاندى، قوستاناي، پاۆلودار جانە سولتۇستىك قازاقستان وبلىستارىندا دا ەنگىزىلەتىن بولادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى