قازاقستاندا جازاسىن وتەپ شىققاندار ۋاقىتشا تۇرۋ ورنىن پانالاي الادى

ۆەدومستۆونىڭ 2025-جىلعى 6-ناۋرىزداعى بۇيرىعىنا سايكەس جاڭا قاعيدا تۇرعىلىقتى جەرى جوق، باس بوستاندىعىنان ايىرۋ ورىندارىنان بوساتىلعان نەمەسە پروباتسيا قىزمەتىنىڭ ەسەبىندە تۇرعان ادامدارعا، سونداي-اق ادام ساۋداسى مەن تۇرمىستىق زورلىق-زومبىلىق قۇرباندارىنا ۋاقىتشا تۇرۋ ۇيىمىن قۇرۋدى كوزدەيتىن تارماقپەن تولىقتىرىلدى.

ۋاقىتشا تۇرۋ ۇيىمدارى رەسپۋبليكالىق، وبلىستىق ماڭىزى بار جانە حالقىنىڭ سانى 100 مىڭنان استام قالالاردا مەملەكەتتىك سەكتوردا قۇرىلادى.

- حالىق سانى 50 مىڭ جانە ودان دا كوپ اۋىلدار مەن اۋدانداردا جەرگىلىكتى اتقارۋشى ورگانداردىڭ شەشىمىمەن ۋاقىتشا تۇرۋ ۇيىمىن قۇرۋ مۇمكىندىگى قاراستىرىلسىن، - دەلىنگەن بۇيرىق ماتىنىندە.

ايتا كەتەرلىگى، ۋاقىتشا تۇرۋ ۇيىمى جەرگىلىكتى اتقارۋشى ورگانداردىڭ شەشىمىمەن ارناۋلى الەۋمەتتىك قىزمەتكە مۇقتاج جانداردىڭ سانى كەمىندە 50 بولعان جاعدايدا قۇرىلادى.

- ارناۋلى الەۋمەتتىك قىزمەتكە مۇقتاج جانداردىڭ سانى كەمىندە 25 بولسا، ستاتسيونارلىق، جارتىلاي ستاتسيونارلىق جاعدايدا اۋداندىق ماڭىزى بار قالالاردا، كەنتتەردە، اۋدانداردا، جانە اۋىلدىق وكرۋگتەردە اشىلۋى مۇمكىن، - دەيدى ۆەدومستۆودان.

بۇيرىق 2025-جىلعى 24-ناۋرىزدا كۇشىنە ەنەدى.

بۇعان دەيىن ەلىمىزدە سانيتارلىق-ەپيدەميولوگيالىق تەكسەرۋگە جاتاتىن ونىمدەر مەن نىساندار ءتىزىمى جاڭارتىلعانى تۋرالى حابارلاعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى