قازاقستاندا جارتى ميلليونعا جۋىق ادام جۇمىسسىز ءجۇر

جۇمىسسىزدار سانى 451,5 مىڭ بولدى.

جۇمىس ىستەمەيتىن جانە ءبىلىم الۋمەن نەمەسە وقىتۋمەن اينالىسپايتىن NEET جاستارىنىڭ ۇلەسى - 7,1 پايىز.

ماۋسىم ايىنىڭ سوڭىندا ەڭبەكمين دەرەگىنشە حالىقتى جۇمىسپەن قامتۋ ورگاندارىنا جۇمىس ىزدەپ جۇرگەن ادام رەتىندە 91,1 مىڭ ادام جۇگىنگەن.

جۇمىسپەن قامتۋ بويىنشا بارلىعى 52,6 مىڭ ءىس-شارا جاسالدى، 18,4 مىڭ ادام كاسىپتىك وقىتۋعا نەمەسە قايتا دايارلاۋعا، بىلىكتىلىگىن ارتتىرۋعا جىبەرىلدى.

4,9 مىڭ ادام قوعامدىق جۇمىسقا قاتىستى.

حالىقتىڭ جۇمىسپەن قامتىلۋىن ىرىكتەپ زەرتتەۋ دەرەكتەرى بويىنشا 2023-جىلدىڭ III توقسانىندا قازاقستان ەكونوميكاسىنىڭ ءتۇرلى سالالارىندا 9,1 ميلليون ادام جۇمىسپەن قامتىلدى.

ونىڭ ىشىندە 6,9 ميلليون ادام (ەكونوميكادا جۇمىسپەن قامتىلعانداردىڭ جالپى سانىنىڭ 76 پايىز) جالدامالى جۇمىسپەن، 2,2 ميلليون ادام (ەكونوميكادا جۇمىسپەن قامتىلعانداردىڭ جالپى سانىنىڭ 24 پايىز) ءوزىن-ءوزى جۇمىسپەن قامتىدى.

2022-جىلدىڭ III توقسانىمەن سالىستىرعاندا جالپى جۇمىسپەن قامتۋ 134,5 مىڭ ادامعا، نەگىزىنەن جالدامالى جۇمىسكەرلەردىڭ (78,4 مىڭ ادام) ەسەبىنەن ءوستى، سونىمەن قاتار ءوزىن-ءوزى جۇمىسپەن قامتىعاندار سانى (56,1 مىڭ ادام) ءوستى.

جۇمىسپەن قامتىلعانداردىڭ ەڭ كوپ ۇلەسى ساۋدا (16,6 پايىز)، ءبىلىم (12,8 پايىز)، اۋىل شارۋاشىلىعى (12,2 پايىز) جانە ونەركاسىپ (12,1 پايىز) سالالارىندا بايقالدى.

نەگىزگى جۇمىستا ورتا ەسەپپەن ءبىر جۇمىسپەن قامتىلعان حالىقتىڭ اپتاسىنا ناقتى جۇمىس ىستەگەن ساعاتى - 38 ساعات، ءبىر جالدامالى قىزمەتكەرگە - 40 ساعات، ءوزىن-وزى جۇمىسپەن قامتىعان قىزمەتكەرگە - 34 ساعات.

جۇمىسسىز، ءبىراق جۇمىس ىزدەمەگەن نەمەسە جۇمىسقا كىرىسۋگە دايىن ەمەس ادام سانى (الەۋەتتى جۇمىس كۇشى) - 23 مىڭ.

جۇمىس كۇشى قۇرامىنا كىرمەيتىن ادامداردىڭ ۇلەسى 15 جانە ودان جوعارى جاستاعى حالىقتىڭ 31,2 پايىزىن قۇرادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى