قازاقستاندا جابايى اڭ-قۇس وسىرۋگە رۇقسات بەرىلۋى مۇمكىن

- شەت ەلدەردىڭ اڭ-قۇس ءوسىرۋ تاجىريبەسى كورسەتكەندەي، جابايى جانۋارلاردى قولدان ءوسىرۋ ولاردىڭ سانىنىڭ ارتۋىنا، تابيعاتتاعى جانۋارلارعا تۇسەتىن قىسىمدى ازايتۋعا، تۇرلەردى ساقتاپ قالۋعا جانە تابيعاتتاعى تەپە-تەڭدىك پەن ارتۇرلىلىكتى قورعاۋعا كومەكتەسەدى. ماسەلەن، باتىس ەۋروپادا شامامەن 10 مىڭ فەرمادا 700 مىڭنان استام تۇياقتى جانۋار وسىرىلەدى، جاڭا زەلانديادا مارال مەن بۇعىلاردىڭ 800 مىڭنان استامى تورلى قورشاۋدا، ال ناميبيادا 35 ميلليون گەكتارعا جەتەتىن 5 مىڭ رانچوسىندا 500 مىڭنان استام ءتۇرلى تۇياقتى جانۋار وسىرىلۋدە، - دەدى ەرلان نىسانبايەۆ.

وسىلايشا، ەلىمىزدە اڭ-قۇس ءوسىرۋ ونىمدەرىن اۋىلشارۋاشىلىق ونىمدەرىنە تەڭەستىرۋ ۇسىنىلىپ وتىر. بۇل اۋىل شارۋاشىلىعى سالاسىن قولداۋ شارالارىن پايدالانۋعا، تورلى قورشاۋدا وسىرىلەتىن جابايى جانۋارلارعا ۆەتەريناريالىق باقىلاۋدى قامتاماسىز ەتۋگە مۇمكىندىك بەرەدى.

سونداي-اق، جابايى اڭ-قۇستى وسىرۋگە رۇقسات الۋ ءتارتىبىن جەڭىلدەتۋ، فەرمەرلىك اڭشىلىق شارۋاشىلىقتارعا مەملەكەتتىك تابيعي قورىقشالاردا جابايى جانۋار وسىرۋگە رۇقسات بەرۋ ۇسىنىلعان.

ايجان سەرىكجان قىزى

اۆتور

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى